“Ina Aikin Awa Guda Kullun”: Wani Mutum Ya Samu N61.7m Kan YouTube da Bidiyo Daya Kacal

• Wani mai amfani da Youtube ya samu kudi dala $68,837.78 kan wani bidiyo daya da ya daura a shafinsa na YouTube
• A wani bidiyo da ya yada a TikTok, mutumin ya ce awa daya kacal yake warewa a kullun don kula da shafinsa na YouTube
• Ya ce wani bidiyo da ya samu mutum miliyan 9.5 da suka kalla ya sama masa kudi wanda ya kai kimanin naira miliyan 61.7

Aisha Musa ta shafe tsawon shekaru tana kawo labaran Hausa a bangaren siyasa, tsegumi da al’amuran yau da kullum

Wani mai amfani da tashar YouTube ya bayyana yadda ake samun riba a dandalin yayin da ya samu kudi naira miliyan 61.7 da daya daga cikin bidiyoyinsa.

A wata wallafa da ya yi a TikTok da shafinsa na, @studiohacksnow, mutumin ya ce ya samu masu kallp miliyan 9.5 da suka kalli daya daga cikin bidiyoyinsa.

Kara karanta wannan

Wani mutum da ke burin gina gida ya dinka riga da buhun simintin Dangote bayan ya mallaki fili 1

Samun kudi a YouTube

A cewarsa, kiyasin kudaden shiga da za a samu daga wannan faifan bidiyo bai yi kasa da dala 68,837.78 ba, wanda ya kai kimanin naira miliyan 61.7.

Ya bayyana karara cewa awa daya kacal yake dauka a kullun don aiki kan shafinsa na YouTube.

Wasu mutane sun yi watsi da ikirarinsa, amma sai ya nuna shafin YouTube din nasa don tabbatar da ikirarin nasa.

Kalli bidiyon a kasa:

Jama'a sun yi martani

@Helios ta tambaya:

"Tallace-tallace nawa ne a cikin kowani bidiyo?"

@Mario Spiroglou ya ce:

"Wannan abin ban mamaki ne."

@Jose David Chavez ya ce:

"Ahafukan da ke yaren Turanci ne kawai za su iya samun irin wadannan masu kallo."

@Lavvy ta ce:

"Toh, amma ta yaya za a samu masu kallon?"

Yadda ake samun arziki a turai

Kara karanta wannan

"Ya hadu": Wani mai zanen gida ya kafa tarihi, ya gina zagayayyen gida a kauyensa

A wani labari na daban, mun ji cewa wani mazaunin New Brunswick ya yi bayanin yadda baki za su iya samun makudan kudade a Canada.

A wani bidiyo mai tsawon mintuna 9 a TikTok, dan Najeriyan ya shawarci jama'a da su daina tura kudi gida don gina masu gidaje.

Ya ce mataki na farko shine fara tara kudi don mutum ya iya siyan fili ko filaye, yana mai cewa akwai yankunan da za su iya samunsu a arha.

Asali: Legit.ng