Kungiya Ta Umarci Ma’aikatanta Su Tafi Ofis a Yau, NLC da TUC Sun Fasa Yajin-Aiki

• Kungiyar MWUN ta aikawa ma’aikatanta sanarwa cewa su jinginar da batun shiga yajin-aiki
• Kwamred Prince Adewale Adeyanju ya tabbatar da sulhun gwamnati da shugabannin NLC da TUC
• Kennedy Ikemefuna ya fitar da sanarwa ta musamman bayan an hakura da tafiya yajin-aikin

Abuja - Shugabannin kungiyar MWUN ta ma’aikatan kan teku ta umarci ‘ya ‘yanta su koma bakin-aiki domin ba za a shiga yajin-aiki ba.

Daily Trust ta kawo rahoto cewa kungiyar ta lashe aman da ta yi na shirye-shiryen tafiya yajin-aiki kamar yadda NLC da TUC su ka shirya.

A baya an ji MWUN ta yi umarni a rufe duk wasu wuraren ayyukan mai, kafofi da tashoshin teku da wadanda ke bakin ruwa a kasar nan.

"Babu yajin aiki" - Prince Adewale Adeyanju

Shugaban kungiyar MWUN na kasa, Prince Adewale Adeyanju, ya fitar da takarda a daren yau, ya na cewa an iya sasantawa da gwamnati.

Kara karanta wannan

Babu Wata Yarjejeniya Da Emefiele Kan Dawo da ‘Biliyan 50’, Gwamnatin Tinubu

Kwamred Prince Adewale Adeyanju ya tabbatar da ba za a shiga yajin-aikin da aka yi niyya ba.

NLC da TUC sun sasanta da gwamnati

Abin da rahoton ya nuna shi ne an cin ma matsaya a lokacin da aka yi wani zaman gaggawa tsakanin jagororin kwadago da gwamnati.

Shugabannin NLC da TUC sun amince su janye yajin-aiki domin a aiwatar da bukatun da su ka gabatar a sakamakon cire tallafin man fetur.

Adeyanju ya ce majalisar kolin NLC ta umarci duka ‘ya ‘yanta su tafi aiki a maimakon a shiga yaji, 'Yan kwadago sun janye yajin da wata guda.

A jawabin da Kwamred Kennedy Ikemefuna ya sa hannu, MWUN ta ce kungiyoyin kwadago da na ‘yan kasuwa sun dakatar da yajin-aiki.

Kennedy Ikemefuna wanda shi ne shugaban yada labarai na kungiyar ma’aikatan tekun ya nuna Prince Adeyanju ya yi umarni a kama aiki.

Kara karanta wannan

Yajin-Aiki: Tinubu Ya Karawa Ma’aikata N10, 000 a Yunkurin Lallabar ‘Yan Kwadago

Wannan ya tabbatar da zaman da aka yi da kungiyoyin ma’aikata a ranar Litinin ya yi tasiri.

Za a biya ma'aikata N35,000

A baya an samu labari Bola Ahmed Tinubu ya amince da karin kudi a kan alawus da za a rika biyan ma’aikatan gwamnati saboda tsadar fetur.

A maimakon N25, 000, gwamnatin tarayya ta amince a rika biyan N35, 000 na watanni shida, da alama ma'aikata sun amince da hakan.

Asali: Legit.ng