Tashin Hankali Yayin da Gobara Ta Yi Kaca-Kaca da Fitaccen Kamfanin Robobi a Jihar Legas

• An bayyana yadda gobara ta yi kaca-kaca da wani sashe na kamfanin robobin Mega Plastics a jihar Legas da ke Kudancin Najeriya
• Ana fargabar gobarar ta jawo asarar dukiya mai yawa yayin da aka yi sa’a ba a samu asarar rai ko jikkata ba
• An yawan samun matsalolin tashin gobara a yankuna daban-daban na Najeriya, akan tafka asarar dukiya da rayuka

Jihar Legas - Wani sashe na wani kamfanin robobin Mega Plastics dake unguwar Ilupeju a Legas, ya kone kurmus da sanyin safiyar yau Asabar, 23 ga Satumba 2023.

Labarin na zuwa ne a cikin wata sanarwar da ta fito ta hannun Daraktan Hulda da Jama’a da Wayar da Kan Jama’a na Hukumar LASTMA, Adebayo Taofiq, rahoton Punch.

A cewar sanarwar, jami’an LASTMA sun isa wurin da gobarar ta tashi da misalin karfe 6:30 na safe, inda suka tuntubi sauran jami’an bayar da agajin gaggawa don taimakawa wajen kashe gobarar.

Kara karanta wannan

Yanzu Yanzu: Yaron Da Hanjinsa Suka Bace Ya Riga Mu Gidan Gaskiya

Ta yaya gobarar ta tashi?

Yayin da ba a iya gano musabbabin tashin gobara a masana’antar ba, hukumar ta bayyana cewa binciken farko da aka gudanar ya nuna cewa gobarar ta shafi ma’ajiyar kamfanin ne.

Sauran kungiyoyin masu ba da agajin gaggawa da suka ba da agaji a wurin sun hada da hukumar kashe gobara ta tarayya da jihar, ‘yan sanda da kuma sashin ba da agajin gaggawa na Lasema.

Sanarwar ta kuma bayyana cewa, ba a samu labarin wani ya jikkata ko yam utu ba har zuwa lokacin da hada wannan rahoton, The Guardian ta naqalto.

Ana yawan samun tashin gobara a kamfanoni da kuma wuraren sana’o’I daban-daban a Najeriya, lamarin da ke jawo asarar dukiya mai tarin yawa ga ‘yan kasuwa ga gwamnatoci.

Shaguna sun kone a Legas

A wani labari na daban, an samu mummunar asara yayin da wasu shaguna sama da 10 suka kone kurmus a jihar Kano.

Kara karanta wannan

Babbar Magana: An Kama a Wani Mutumi da Ake Zargi da Lalata da Ɗiyarsa, Ta Mutu a Yanayi Mai Mamaki

Wannan na zuwa ne a daidai lokacin da hukumar kashe gobara ta ba da labarin gaskiyar abin da ya faru da kuma mafitar da suka samo a kai.

Jihar Kano na daga jihohin da ake yawan samun tashin gobara a lokuta daban-daban saboda cunkoso.

Asali: Legit.ng