Yar Najeriya Ta Mutu a Jirgin Egypt Air, An Yasar Da Gawarta a Alkahira

• An rahoto cewa wata yar Najeriya ta mutu a cikin shahararren jirgin sama, a hanyarta ta zuwa kasar Birtaniya
• Yan uwan matashiyar basu samu kowani bayani da ke bayyana musababbin mutuwarta ba amma an ajiye gawarta a Alkahira, babban birnin Masar
• Jirgin Egypt Air bata yi martani kan wannan al'amari ba kuma bata tuntubi yan uwan marigayiyar kan mutuwarta ba

Wata matashiyar budurwa yar Najeriya ta gamu da ajalinta. Matashiyar matar ta mutu ne a cikin jirgin sama na Egypt Air a hanyarta ta zuwa birnin Landan, kasar Birtaniya, Daily Trust ta rahoto.

An rahoto cewa matashiyar wacce ba a bayyana sunayenta ba, ta baro Najeriya zuwa Landan a cikin jirgin Egpyt Air mai lamba MS 876 zuwa Alkahira a ranar Litinin, 4 ga watan Satumba, ta filin jirgin sama na Murtala Muhammad da ke Lagas lokacin da ta mutu a cikin jirgin.

Kara karanta wannan

Kaico: Kawaye sun lakadawa wata mata duka kan wawashe kudi a wurin biki

Wata majiya ta iyalin sun yi martani kan mutuwar matashiyar

Wata majiya ta iyalin wacce ta tabbatar da lamarin, ta ce jirgin ya ajiye gawar a Alkahira, babban birnin kasar Masar.

"Iyalin sun ce kamfanin jirgin bai sanar da su ba, amma maimakon haka sun samu wani sako daga ofishin karamin ofishin jakadancin da ke birnin Alkahira inda aka sanar da su labarin mutuwarta a cikin jirgin. Don Allah suna bukatar sanin ainihin abin da ya faru da kuma yadda za a dawo da gawar ta Najeriya,” in ji wata majiya ta kusa da dangin.

Daily Trust ta tattaro cewa matashiyar za ta Landan da bizar dalibai sannan ta shiga jirgin Egypt Air wanda zai sada ta da Landan.

Za a sada ta da Landan ta jirgin Egypt Air MS777 a washegarin ranar.

Kara karanta wannan

“Aikin Mijinta Ne”: Hotunan Yadda Ayarin Motocin Matar Gwamnan Bauchi Suka Makale a Tabo

A halin da ake ciki, babu wani martani nan take daga Egypt Air a daidai lokacin kawo rahoton amma wata majiya ta ce jirgin sun ce suna jiran bayanai daga Alkahira kan lamarin.

Tashin Hankali Yayin da Jirgin Sama Ya Gamu da Hatsari Bayan Ya Sauka a Legas

A wani labarin, mun ji cewa wani jirgin saman fasinjoji na kamfanin United Nigeria Airlines ya sauka daga titin tashi da saukar jiragen sama a filin jirgin Murtala Muhammed (NMA) jihar Legas.

Jaridar Daily Trust jirgin ya samu matsalar da ta kai ga sauka daga asalin titinsa na tashi ko sauka, lamarin da ya haifar da firgici da tashin hankali tsakanin Fasinjoji.

Asali: Legit.ng