Jaruma Rahama Sadau Ta Yi Bikin Cikarta Shekaru 29 a Duniya, Hotunan Sun Ja Hankali

• A rana irin ta yau, Laraba, 7 ga watan Disamba aka haifi shahararriyar jarumar fim, Rahama Sadau
• Rahamah ta yi murnar cikarta shekaru 29 a duniya inda ta saki hadaddun hotunanta a soshiyal midiya
• Masu amfani da soshiyal midiya sun yi mata fatan alkhairi da addu'a yayin da wasu da dama suka mato kan haduwar da tayi

Fitacciyar jarumar masana’antar shirya fina-finan Kannywood da Nollywood, Rahama Sadau, ta cika shekaru 29 a duniya, a yau Laraba, 7 ga watan Disamba.

Domin raya wannan rana, Rahama ta saki wasu zafafan hotunanta a shafinta na Instagram tana mai nuna farin ciki tsanta.

Rahama ta mika godiyarta ga mahaliccinta

Jarumar ta kuma yi godiya ga Allah Ubangji da ya nuna mata wannan rana a raye kuma cikin koshin lafiya da annashuwa.

Kara karanta wannan

Da Duminsa: Mawaki D’banj ya Shiga Hannun ICPC Kan Zargin Damfarar Miliyoyin N-Power

Har ila yau, Rahama ta yi godiya ga Allah a kan ni’imomi da alfarmar da Ya yi mata a rayuwa.

Ta rubuta a shafinta na Instagram:

“SHAFI NA 29 ♂️

“Murna da zagayowar ranar haihuwata,

“Rahama yarinya mai kaunar kanta, karfi, kyau da ban mamaki❤️

“Akwai abubuwan godiya da dama, amma babu wanda ya fi kasancewa a raye, cikin koshin lafiya da farin ciki.

“Alhamdulillah ga wata shekara mai albarka.

“Ya Allah, Nagode da ni’imar da kayi mani ❤️♂️.”

Jama’a sun yi martani

alijita1 ya yi martani:

"Barka da zagayowar ranar haihuwa aminiya."

officialmaryambooth ta ce:

"Barka da zagayowar ranar haihuwa didi❤️."

xeesadau:

"Wannan kyau ne tsantsa na rasa mai zan ce Barka da zagayowar ranar haihuwa masoyiya."

koredebello:

"Barka da zagayowar ranar haihuwa❤️."

aycomedian:

"Barka da zagayowar ranar haihuwa ya @rahamasadau ."

Kara karanta wannan

"Ka Biyo Ni": Wata Dirarriyar Budurwa Ta Nemi Ɗan Acaba Ya Kwanta da Ita, Bidiyon Ya Girgiza Mutane

uzee_usman:

"Barka da zagayowar ranar haihuwa sarauniyar arewa ❤️."

sophiealakija

"Barka da zagayowar ranar haihuwa hadaddiyar sarauniyata "

danielamokachi:

"HBD ALLAH YA MAIMATA MA NA LAFIYA @rahamasadau ."

muh_dk8:

" nima ga karamar kyauta ta Allah yasa batayi kadanba ."

Ango da wani dan gayya sun ba hammata iska a wajen shagalin bikinsa

A wani labari na daban, mun ji cewa wani ango ya dambatu da daya daga cikin mahalarta shagalin bikinsa yayin da mutumin ya yi kokarin manna masa kudi a goshi da sunan liki.

Angon ya cire kudin tare da wurgi da shi amma sai mutumin ya koma ya dauko sannan ya yi kokarin manna masa a karo na biyu lamarin da yasa fada ya kaure a tsakaninsu.

Asali: Legit.ng