Hotona da Bidiyoyin Bikin Zagayowar Ranar Haihuwar Amaryar Sanusi Lamido

• Amaryar tsohon sarkin Kano, Malam Muhammadu Sanusi II, ta yi bikin zagayowar ranar haihuwarta
• An gabatar da wani dan takaitaccen liyafa a cikin gida domin taya Gimbiya Sa'adamu Mustapha-Barkindo murnar wannan rana
• Tsohon sarkin, wasu daga cikin yaransu da uwargidarsa, Hajiya Sadiya Ado Bayero sun bayyana a bidiyo da hotunan shagalin

Najeriya - Sa’adatu Barkindo Sanusi, amaryar tsohon Sarkin Kano da aka tunbuke, Malam Muhammadu Sanusi II, ta yi bikin zagayowar ranar haihuwarta.

An shiryawa amaryar dan kwarya-kwaryan liyafa a gida wanda ya samu halartan tsohon sarkin da wasu daga cikin iyalinsa.

A cikin hotuna da bidiyon da suka yadu a soshiyal midiya, an gano mai martaba Sanusi II da Gimbiya Goggo Sasa tare da diyarsu yayin da suke yanka kek din da aka yi don wannan taro.

Kara karanta wannan

Uwargida Sarautar Mata: Kyawawan Hotunan Ministan Shari’a, Abubakar Malami Tare Da Matarsa, Fatima Malami

A wani hoton kuma, an gano su tare da dan tsohon sarkin namiji da kuma daya daga cikin manyan yaransa mata wato Fulani Siddika.

Haka kuma uwargidar Sanusi, Hajiya Sadiya Ado Bayero ta bayyana a cikin hotunan bikin zagayowar haihuwar kishiyar tata.

Goggo Sasa dai ita ce karama kuma ta hudu a cikin matan tsohon sarkin na Kano sannan ta kasance diya a wajen Lamidon Adamawa, Alhaji Musatapha-Barkindo.

Ga hotuna da bidiyoyin shagalin a kasa:

Jama'a sunyi martani

real__essential__north ta ce:

"Barka da zagayowar ranar haihuwarki ❤️."

muhammadbarudishehu ya yi martani:

"Sarki daya da ke arewa."

bazawara_in_arewa ta ce:

" MashaAllah."

aishajb26 ta ce:

"Maza irin SLS."

Bidiyon Bikin Zagayowar Ranar Haihuwar Tsohon Sarkin Kano, Sanusi, An Yanka Kek

A wani labarin kuma, mun kawo a baya cewa bidiyon bikin zagayowar ranar haihuwar tsohon sarkin Kano, Muhammad Sanusi Lamido ya bayyana a shafukan soshiyal midiya.

Kara karanta wannan

Bidiyo da hotunan iyalan Sule Lamido a auren Surayya da Angonta Yazid Danfulani

A ranar Lahadi, 31 ga watan Yuli ne Sanusi II ya cika shekaru 61 a duniya inda aka yi shagali na musamman domin raya wannan rana.

Sannan a gabansa wasu kek ne uku wadanda aka tanada saboda wannan shagali suna walwali. An kuma jiyo mutane suna rera masa wakar bazdai.

Asali: Legit.ng