Za a shirya wasan kwaikwayo a kan tarihin tsige Sanusi I da Sanusi II a 1963 da 2020

• Kamfanin Duke of Shomolu Productions zai shirya wasan kwaikwayo na tarihin Sarakunan Kano
• Farfesa Ahmed Yerima zai bada umarni wajen shirya wasan din da za a fitar a watan Agustan 2022
• Ana sa rai Mai martaba Khalifa Muhammadu Sanusi II ya samu halartar wannan shirin da za a nuna

Lagos - Shugaban kamfanin shirya wasanni na Duke of Shomolu Productions, Mista Joseph Edgar ya na kokarin ganin matasa sun san tarihin kasar su.

Vanguard ta rahoto Joseph Edgar yana mai kokawa a kan yadda mutane musamman matasa a Najeriya suka manta da abubuwan da suka faru a baya.

Edgar wanda ya kware wajen harkar shirya fina-finai da wasannin kwaikwayo na tarihi ya shaidawa manema labarai cewa jahilci ya kai intaha a yau.

A cewar sa, idan har ana so a san inda aka dosa a Najeriya, ya zama dole a samu tarihin abin da aka yi a baya, abin da ya ce mutanen yau sun rasa sosai.

Kara karanta wannan

Buhari: Tausayin Talaka ya sa na ki biyewa masu bada shawarar janye tallafin man fetur

An manta tarihi a yau

Hukumar dillacin labarai na kasa ta rahoto Joseph Edgar yana bayanin yadda mutane suka shagala da kafofin yanar gizo, suka yi watsi da tarihinsu.

Mai shirya fina-finan ya bada misali da cewa mafi yawan matasan da ke Legas, ba su da labarin Marigayi Lateef Jakande wanda ya yi gwamna a 1979-83.

A dalilin haka ake yunkurin shirya wasanni a kan tarihin kasa domin a fadakar da manyan gobe.

Mista Edgar ya ce sun taba yin wasa a game da tsohon Firimiyan kasar Yarbawa Obafemi Awolowo (Awo) da tsohon shugaban kasa, Cif Olusegun Obasanjo.

Za ayi wasa a kan Sanusi I, II

A watan Agusta 2022, Duke of Shomolu Productions za su shirya wasu jeringiyan wasanni kan labarin tsofaffin Sarakunan Kano, Muhammadu Sanusi I da na II.

Kara karanta wannan

Rundunar Yan Sandan Najeriya Ta Umurci Mawaki Portable Ya Kai Kansa Ofishinta Ko Ta Kamo Shi

A cewar Edgar, ba a fahimci wadannan Sarakuna ba musamman a wajen Kano, don haka za su shirya fim da nufin fitowa Duniya da gaskiyar labarin tunbuke su.

Tsige Mai martaba Sanusi I a 1963 da jikansa, Sanusi II a 2020 ya jawo abubuwa da-dama, don haka za a fito da wannan kayattaccen shiri ga masu sha’awar tarihi.

Za a haska wasannin ne a garuruwan Legas da Abuja tare da shirin tarihin Marigayiya Ladi Kwali. Rahoton ya ce Khalifa Sanusi II zai halarci wannan wasa.

2023: Sanusi II yana tare da Obi?

Kwanakin baya kun ji labari tsohon Sarkin Kano, Malam Muhammadu Sanusi II ya ce sam bai da hannu a wani rubutu kan ‘yan takaran 2023 da mutane ke yadawa.

Mai martaba Muhammadu Sanusi II ya musanya wannan a wani jawabi da ya fitar ta hannun hadiminsa, Malam Munir Sunusi Bayero, ya ce ba da alkalaminsa ba.

Kara karanta wannan

Wani Fasto ya fadawa mutane wanda za su zaba tsakanin Tinubu, Atiki da Obi a 2023

Asali: Legit.ng