Ya kamata na sassauta mishi, Jaruma Mansurah Isa ta sake magana kan tsohon mijinta Sani Danja

• Jaruma Mansurah Isah ta yi wani rubutu a kan tsohon mijinta, Sani Musa Danja, tare da sakin wasu sabbin hotunanta tare da shi
• Jarumar ta nuna cewa tana da kyakkyawar alaƙa tsakaninta da shi, kuma ta yi wasu kalamai na barkwanci akan Jarumin
• Tuni dai masoyan ta suka fara tofa albarkacin bakinsu a kan sabon rubutun, inda mafi yawa suke rokonta da su sasanta kan su

Kano - Jaruma Mansurah Isah, ta bayyana cewa har yanzun akwai kyakkyawar mu'amala tsakaninta da tsohon mijinta, Sani Musa Danja.

A wani rubutu da ta yi a shafinta na dandalin sada zumunta Instagram, Jaruma a masana'antar Kannywood, Mansurah Isa ta saki wasu hotunanta tare da tsohon mijinta, inda ta yi wasu kalamai a kansa.

Masurah ta rubuta cewa ya kamata ta buɗe tsohon mijin nata, Jarumi a Kannywood, Sani Danja, domin ya ga abinda ta buga a kansa.

Kara karanta wannan

Karin bayani: Sabuwar dirama ya yin da fusatattun matasa suka mamaye majalisar dokokin jihar Filato

Masurah Isah tace:

"Eyyah, Ɗan bawan Allah, shin murmushi yake yi kuwa? ku taimaka ku taya ni dibawa dan allah."

Ya kamata in buɗe shi - Mansurah

Ga dukkan alamu tun bayan rabuwar jaruman biyu, basu mu'amala a kafar sada zumunta.

Mansurah tace:

"Bai kamata wanna kwalliya ta tafi a banza ba, ina tunanin ya dace in sassauta masa na buɗe shi ko zai ga wannan rubutun."

Hotunan da jarumar ta saki

Abinda mutane ke cewa:

Abdoul_Abu_Ammar yace:

"Wannan shine ake kira soyayyar da bata taɓa dusashewa, wallahi har na yi wa Sani Danja kewar rashin mace. Dan Allah ku sasanta kan ku."

Saada_Wakkala tace:

"Daman duk mai bakaken maganganu akan masoya ƙarshensa zai sha kunya, Allah ya kara haɗa kanku."

Umar Idris Galadima yace:

Kara karanta wannan

Ko ta wane hali zan nemi kujerar shugaban ƙasa a 2023, Tsohon shugaban majalisar dattijai

"Wallahi tsohon mijinki yaƙi dariya ne kawai, ya kamata ku warware abinda ke tsakaninku, daman aure ya gaji haka ba'a samun yadda ake so 100%."

A wani labarin kuma Sabbin zafafan Hotunan Jaruma Rahama Sadau a wurin daukar fim a Bollywood Indiya

Jaruma Rahama Sadau ta sake ɗaukar sabbin hotuna a wurin ɗaukar shirin fim a Bollywood ta ƙasar Indiya.

Tun a baya dai Sadau ta buga hotuna a dandalinta na sada zumunta, inda tace tana aikin shirin fim da masana'antar Bollywood.

Asali: Legit.ng