Houthi: Iran Ta Yi Magana kai kai Hare Hare Masu Zafi Kasar Saudiyya
- Gwamnatin Iran a ranar Juma'a ta musa cewa tana da hannu a hare-haren da 'yan ƙungiyar Houthi ta Yemen ke kaiwa, kwana ɗaya bayan Saudiyya ta zarge ta da tunzura ƙungiyar
- Tun bayan da yaƙin basasa a Yemen ya sake rurrucewa a watan Yuli, 'yan Houthi masu samun goyon bayan Iran sun sha kai hare-hare kan cibiyoyin Saudiyya ciki har da jirage
- Haɗakar sojoji ƙarƙashin jagorancin Saudiyya tana goyon bayan gwamnatin Yemen da ƙasashen duniya suka amince da ita tun tsawon sama da shekara goma, inda ake cigaba da yakia yanzu
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Editan Legit Hausa Ibrahim Yusuf Kari yana da gogewar aikin jarida da rubuce-rubucen adabi sama da shekaru hudu, kuma kwararre ne a kawo rahotannin kasuwanci, siyasa da lamuran yau da kullum.
Tehran – Gwamnatin Iran ta nesanta ƙanta daga dukkan ikirarin da ake yi na cewa tana da hannu a samamen da 'yan ƙungiyar Houthi ke gudanarwa a ƙasar Yemen.
A ranar Alhamis da ta gabata ne wani jami'in Ma'aikatar Harkokin Wajen Saudiyya ya zargi Iran da "tunzura" tsaurara hare-haren, wanda hakan ya sa Tehran ta fito ta ƙanta batun.
Source: Getty Images
Times of Israel ta rahoto cewa Magana da yawun Ma'aikatar Harkokin Wajen Iran, Esmaeil Baqaei, ya bayyana cewa rundunar sojin Yemen tana aiki ne bisa muradun kanta.
Raddin Iran kan zarge-zargen
Baqaei ya jaddada cewa irin waɗannan ikirari ba su da inganci ga duk wanda ya san yanayin alaƙa tsakanin Iran da abokan hulɗarta.
Ya ƙara da cewa duk da haka, Jamhuriyar Musulunci ta Iran ba ta ɗauki tsaurara kalaman ko fitintinu a matsayin wani abu mai fa'ida ga kowace kasa ba.
A News ta rahoto ya bayyana cewa:
"Iran tana shirye a kodayaushe don yin amfani da kyakkyawar damarta wajen taimakawa wajen kawo karshen faɗace-faɗacen da ake yi a yankin."
Hare-haren da aka kai Saudi
A gefe guda, magana da yawun haɗakar sojojin da Saudiyya ke jagoranta ya bayyana cewa sun sami nasarar harbo jiragen sama marasa matuƙa guda uku a kudancin yankin da kuma garin Riyadh, tare da ruguza makamai masu linzami guda biyu a sama.
Haka zalika, ofishin tsaro na yankin Aden ya sanar da cewa makamai masu linzami guda biyu sun sauka a kewayen filin jirgin saman birnin.
Source: Getty Images
Ministan yaɗa labarai na Yemen ya ce wani jirgin saman 'Yemenia Airways' da ke shirin tashi zuwa birnin Alkahira ya fuskanci barazana.
Trump ya kori hadimarsa
A wani labarin, mun ruwaito cewa sabuwar mai magana da yawun Donald Trump, Katie Zacharias, ta yi murabus daga muƙaminta na Fadar White House bayan shafe kwanaki biyar kacal.
Wani jami’in Fadar White House ya tabbatar da murabus dinta a ranar Juma’a, 16 ga Okutoba, 2026, biyo bayan wani saƙo da Trump ya wallafa yana ba ta shawarar barin aikin.
Ta fuskanci kalubale da sukar jama'a ne bayan da taron manema labaranta na farko ya ɗauki tsawon mintuna 14 kacal, tare da bayyanar labarin cewa ba ta samu nasara a jarrabawar da ta yi ba.
Asali: Legit.ng
