Najeriya da Wasu Kasashe 59 da Trump Ya Kakabawa Harajin Shigo da Kayayyaki

• Amurka ta kakaba sabon haraji kan kayayyakin da ake shigo da su daga ƙasashe 60, ciki har da Najeriya
• Najeriya za ta fuskanci harajin 12.5%, yayin da wasu ƙasashe za su biya 10% saboda hana kayayyakin da aka samar ta aikin tilas
• USTR ta ce matakin ya biyo bayan bincike da ta gudanar tun watan Mayun 2026 tare da tattaunawa da gwamnatoci sama da 45

Sani Hamza ƙwararren edita ne a fannin nishaɗi, al'amuran yau da kullum, da kuma siyasa, wanda ke da shekaru sama da takwas a aikin jarida.

Amurka - Gwamnatin Amurka ta sanar da kakaba sabon haraji kan kayayyakin da ake shigo da su daga ƙasashe 60, ciki har da Najeriya, saboda abin da ta bayyana a matsayin gazawarsu wajen hana shigo da kayayyakin da aka samar ta hanyar aikin tilas.

Matakin, wanda Ofishin Wakilin Kasuwanci na Amurka (USTR) ya sanar a ranar Alhamis, ya tanadi harajin kashi 10 ko kuma kashi 12.5 bisa ɗari, gwargwadon yadda kowace ƙasa ta ɗauki matakan hana shigo da kayayyakin da aka samar ta hanyar aikin tilas.

Kara karanta wannan

An ja daga tsakanin Amurka da China kan haraji, kasar ta gargadi Trump

USTR ta ce ta fara binciken ne tun watan Mayun 2026 kan manyan abokan hulɗar kasuwancin Amurka guda 60, inda ta karɓi fiye da ra'ayoyi 1,600 daga jama'a, ta saurari shaidu sama da 100, sannan ta tattauna da gwamnatoci fiye da 45 kafin yanke wannan hukunci, in ji rahoton Punch.

Amurka ta kakabawa kasashe 60 haraji

Najeriya na cikin ƙasashen da za su fuskanci harajin kashi 12.5 cikin ɗari.

Sai dai ƙasashen da USTR ta ce sun riga sun haramta ko kuma sun yi alƙawarin hana shigo da kayayyakin da aka samar ta hanyar aikin tilas za su biya harajin kashi 10 cikin ɗari kacal.

Wasu daga cikin ƙasashen da za su fuskanci harajin kashi 12.5 cikin ɗari sun haɗa da China, Rasha, Australia, Brazil, Masar, Saudiyya, Afirka ta Kudu, Hadaddiyar Daular Larabawa, Turkiyya da Vietnam.

Yayin da Canada, Birtaniya, Indiya, Pakistan, Malaysia, Bangladesh, Cambodia da Mexico ke cikin waɗanda za su biya harajin kashi 10 cikin ɗari.

Kara karanta wannan

Trump ya kara tsaurara matakan kasuwanci, ya laftawa Najeriya haraji

Kasashe 60 da aka kakabawa haraji

Ga cikakken jerin kasashe 60 da Amurka ta kakabawa harajin shigo da kayayyaki:

Kara karanta wannan

Idon Trump ya koma kan kadarorin Iran da ke Amurka, ya fara kai masu barazana

Trump ya laftawa Najeriya haraji

Tun da fari, mun ruwaito cewa, Amurka ta kakaba harajin 12.5% kan kayayyakin da ake shigowa da su daga Najeriya saboda zargin rashin dakile kayayyakin da aka samar da aikin tilas.

Sabon matakin ya shafi kasashe 60, inda Amurka ta ce ba su kafa ko aiwatar da dokokin hana shigo da kayayyakin da aka samar ta hanyar aikin dole ba.

Hukumar Kasuwancin Amurka ta ce matakin na daga cikin kokarin gwamnatin Donald Trump na yaki da amfani da aikin tilas a harkokin kasuwanci na duniya.

Asali: Legit.ng