Wani ɗan sanda ya kashe abokan aikinsa 'yan sanda 4, ya kuma yi wa wasu 3 mummunan rauni
- Wani dan sanda mai suna Reetesh Ranjan ya bindige abokan aikinsa 4 har lahira ya kuma raunata wasu guda 3
- Lamarin ya faru ne a sansanin yan sandan CFRF ta bataliyya ta 50 da ke kauyen Linganpalli a ranar Litinin
- Tuni dai mahukunta sun yi nasarar kama Ranjan domin bincike amma a halin yanzu ba a san dalilin da yasa ya yi harbin ba
India - Wani jami'in dan sanda a kasar Indiya a karkashin CRPF, a ranar Litinin ya bude wa abokan aikinsa hudu wuta a tsakiyar jihar Chhattisgarh, inda ya kashe hudu ya raunata uku.
Kafafen watsa labarai na Indiya sun ruwaito cewa lamarin ya faru ne a sansanin CRPF, bataliya na 50 da ke kauyen Linganpalli a karkashin caji ofis na Maraiguda misalin karfe 3.15 na safen Litinin (21:45 agogon GMT).
Asali: Facebook
Jaridar Vanguard ta rahoto cewa binciken farko-farko da aka fara yi, an gano cewa Constable Reetesh Ranjan, ya bude wa abokan aikinsa wuta ne da bindigar AK-47.
An garzaya da mutanen da ya harba asibiti inda a can likitoci suka tabbatar da cewa hudu daga cikinsu sun riga mu gidan gaskiya.
Sauran ukun suna can asibiti suna samun kulawar likitoci.
An kama Rajaan domin fara bincike
Daga bisani an kama shi bayan da ya yi harbin.
NDTV ta ruwaito cewa tuni an fara bincike domin gano abin da ya harzuka shi har ya yi wannan mummunan abin.
'Dan sanda ya daɓa wa abokin aikinsa wuƙa ya yi sanadin ajalinsa
A wani labari mai kama da wannan, kun ji ana zargin wani dan sanda, Sajan Akpoboloukeme da halaka abokin aikin sa, Sajan Sapele Eyerindideke wanda ya kai ga halaka shi.
Ganau sun bayyana yadda lamarin ya auku a ranar Alhamis da yamma a yankin Edepie da ke Yenagoa kamar yadda Daily Trust ta ruwaito.
Abokan aikin su sun shaida yadda wata karamar hayaniya ta shiga tsakanin su kafin lamarin ya kazanta.
An samu rahotanni akan yadda wanda ya yi kisan ya yi gaggawar rantawa a na kare bayan ya gane cewa wanda ya datsa ya mutu.
Asali: Legit.ng
