Barau, Ndume da Sauran Sanatoci da Ka Iya Rasa Kujerunsu Kan Babban Kuskure

• Kungiyar ALDRAP ta maka wasu mambobin Majalisar Dattawa kusan 40 a gaban babbar kotun Tarayya da ke Abuja
• Kungiyar ta na kalubantar sanatocin ne kan rike mukamai a mabambantan Majalisu da suka hada da na ECOWAS da Pan-African
• Daga cikin wadanda suka shiga matsala akwai mataimakin shugaban Majalisar, Barau Jibrin da Ali Ndume da Smart Adeyemi da sauransu

Abdullahi Abubakar, Editan Legit Hausa ne a bangaren siyasa, kasuwanci da al'amuran yau da kullum ne, ya na da gogewar aikin jarida sama da shekaru uku.

FCT, Abuja - Mambobin Majalisar Dattawa akalla 40 ne ka iya rasa kujerunsu ciki har da mataimakin shugaban Majalisar, Sanata Barau Jibrin.

Duk da kasancewarsu a Majalisar Tarayyar Najeria suna kuma da rike da kujeru a Majalisar ECOWAS da kuma ta Pan-African.

Kara karanta wannan

Ba a gama da dambarwar Ganduje ba, an sake korar shugaban APC a Zamfara

Sanatocin da ka iya rasa kujerunsu

Bayan sanata Barau wanda shi ne ke rike da mukamin mukaddashin shugaban Majalisar akwai sanata Ali Ndume, cewar Premium Times.

Sauran sun hada da Smart Adeyemi da Mshelia Haruna da Abiodun Olujimi da Tolu Odebiyi da sauransu.

Wannan na zuwa ne bayan maka 'yan majalisun a Babbar Kotun Tarayyar da cibiyar ALDRAP ta yi.

ALDRAP na neman tabbatar da gaskiya da bin diddigi kan dukkan al'amuran shugabanci ba tare da kwana-kwana ba.

Sakon kungiyar ga Akpabio kan sanatocin

Kungiyar ta bukaci shugaban Majalisar, Godswill Akpabio ya rusa kujerunsu saboda rike mukamai a mabanbantan Majalisu tare da karbar alawus.

Bayan Akpabio ya gagara daukar wani mataki kan wannan lamari, kungiyar ta dauki matakin shiga kotu.

Kungiyar ta yi barazanar a cikin wata takarda da sakatarenta, Tonye Clinton Jaja ya sanyawa hannu a ranar 8 ga watan Afrilun wannan shekara.

Kara karanta wannan

Kudurin Majalisa: Za a rika yankewa masu safarar miyagun kwayoyi hukuncin kisa

Har ila yau, kungiyar ta ce kasancewarsu a majalisu biyu ya saba doka sashe na 68 na kundin tsarin mulkin 1999.

Majalisa ta dauki mataki kan safarar kwayoyi

A wani labarin, Majalisar Tarayya ta amince da dokar hukuncin kisa kan masu safarar kwayoyi a fadin ƙasar.

Majalisar ta amince da hakan ne bayan kai ruwa rana game da matakin yayin zaman Majalisar tsakanin mambobinta.

Sanata Adams Oshiomole ya kalubalanci dokar inda ya ce ba a gaggawa kan irin wannan da ya shafi rai da rayuwar ɗan Adam.

Asali: Legit.ng