Kotun Koli: Hadimin Abba Ya Ware Mutum 6 a APC, Ya Jinjina Masu Kan Nasarar NNPP

• Ali Muhammad Bichi ya yabi wasu shugabanni da jami’an gwamnati da NNPP tayi galaba a kotun koli
• Mai ba gwamnan Kano shawara a kan harkar addinan ya ce abin da ya faru ya kade fitina a jihar Kano
• Malam Bichi ya yi godiya mai yawa ga Bola Tinubu, Kashim Shettima da wasu manya a gwamnatinsu

M. Malumfashi ya shafe shekaru ya na kawo labaran Hausa musamman na siyasa, addini, tarihi, wasanni da al’ada.

Kano - Ali Muhammad Bichi ya yi magana biyo bayan gagarumar nasarar da Abba Kabir Yusuf ya samu a kotun koli.

Ali Muhammad Bichi a wata hira da ya yi da gidan rediyon Express, ya bayyana farin cikinsa da hukuncin babban kotun.

NNPP ta ji dadin hukuncin Kotun koli

Mai ba gwamnan jihar Kano shawara kan harkokin addinai ya shaida cewa al’ummar Kano sun yi murna da alkalai.

Kara karanta wannan

Kano: Bayan nasara a kotu, Gwamnatin Kano ta magantu kan masu niyyar wawushe asusun jihar

Malam Ali Muhammad Bichi ya fara godewa Allah SWT da ya ba Abba Gida Gida da NNPP damar cigaba da mulkin jihar Kano.

...an yi farin ciki a kasashen waje

Hadimin gwamnan ya ce daukacin al’ummar jihar da masoya daga sauran jihohi sun yi murna da aka soke nasarar 'yan APC.

Ali Bichi yake cewa kasashen duniya irinsu Nijar, Kamaru da Hausawan da ke Saudi da sauran wurare sun yi farin ciki sosai.

Saboda Manzon Allah SAW ya ce duk mara godewa jama’a, ba zai godewa Ubangiji SWT, sai Bichi ya yabawa wasu manya.

Kano: Bichi ya yi wa Tinubu, wasu, godiya

Daga cikin wadanda ya yaba game da hukuncin akwai Mai girma Bola Ahmed Tinubu a matsayin shugaban Najeriya.

Bichi ya ce dole ya yabawa kokarin mataimakin shugaban kasa watau Kashim Shettima saboda an kare fitina a Kano.

Kara karanta wannan

Mutane 6 da Suka Taimakawa Abba Kabir Yusuf Wajen Samun Nasarar Kotun Koli

Mai ba gwamna Abba shawara a jihar Kano ya mika godiya ta musamman ga wasu hadiman shugaban kasa da 'yan majalisa.

Hadiman su ne Femi Gbajabiamila wanda shi ne shugaban ma’aikatan fadar shugaban kasa sai Malam Nuhu Ribadu.

A hirar da aka yi da shi a tashar rediyon, Ali Bichi bai fadi rawar ganin da wadannan mutane su taka wajen nasararsu ba.

...Sauran wadanda suka taimaki NNPP a kotu

Shi dai Malam Bichi ya ce tun da ya ji ‘yan APC suna sukar wadannan jagorori, sai ya fahimci sun tabbatar da adalci a shari'ar.

Bichi ya ambaci Barau Jibrin da Badaru Abubakar ya ce sun yi abin da al'umma ke bukata a maimakon nasarar jam'iyyarsu.

A bangaren Kwankwasiyya, hadimin ya jinjinawa wasu 'yan majalisar NNPP irinsu Kawu Sumaila da Abdulmumin Jibrin.

Yadda aka ceci Abba da NNPP a Kano

Mun kawo jerin wadanda su ka bada gudumuwa NNPP ta tsira da jihar Kano, daga ciki akwai lauyoyi da alkalan kotun kolin.

Kara karanta wannan

Kano: Sanusi II ya soki APC a maganar farko a fili bayan nasarar Abba a Kotun Koli

Shi kan shi Abba Kabir Yusuf ya ware wasu manyan mutane ya gode masu da aka ayyana shi a kan Dr. Nasiru Gawuna a kotu.

Asali: Legit.ng