Yadda Ake Sauraron Shari’ar Zaben Abba Gida Gida v Nasiru Gawuna a Kotu (Kai-Tsaye)
Kotu ta tsige Abba Kabir Yusuf
Bayan sauraron shari'ar, Alkalan kotun daukaka kara sun tsige Abba Kabir Yusuf bisa dalilali da hujjojin jam'iyyar APC.
Abba Gida Gida 'Dan NNPP ne ko a'a?
Kotun daukaka kara ta sake ba Kotun korafin zabe gaskiya da ta ce Abba Kabir Yusuf ba cikakken ‘dan jam’iyyar NNPP ba ne.
Premium Times ta rahoto cewa kotun daukaka kara ta ce ya kamata a rusa takarar Abba a jam'iyyar NNPP tun a karamar kotu.
Hukuncin Kano ta Zoom
Kotun ta zartar da cewa yin hukunci ta Zoom a maimakon a zauna a harabar kotu ba laifi ba ne, an yi watsi da korafin Wole Olanipekun
Nasiru Gawuna ya kubuta?
Barista Hikima wanda yake kawo bayanai daga kotun ya rubuta a shafinsa cewa kotu ta ce:
"Ba dole bane sai APC ta saka sunan Nasir Gawuna wajen shigar da kara ba." -
P1730: Kotun karar zabe ta yi daidai
Kotun daukaka kara ta ce karamar kotu ba ta saba doka da ta karbi takardun da lauyoyin jam'iyyar NNPP su ke adawa da su ba.
Kotu ta fara karanto hukunci
Majiya daga kotun daukaka karan ta ce Alkalai sun fara karanto hukunci, an soma yin shimfidar korafin lauyoyin Gwamnan Kano.
An fara shirin karanto kara
Kamar yadda Barista Hikima ya fada a shafinsa, hukunci hudu za a yanke a zaman yau; uku daga NNPP sai kuma guda daga APC.
Jami'an tsaro a kotu
Abba Hikima wanda shahararren matashin lauya ne a Kano, ya fada a Facebook cewa an baza jami'an tsaro kafin a fara shari'ar.
A Kano ma an dauki matakai masu tsauri domin gudun rikicin siyasa ya barke.
Source: Facebook
Kotu ta zauna
Ibrahim Arif Garba wani lauya ne wanda yana kotun domin jin shari'ar zaben Gwamnan na Kano, ya shaida cewa an fara zama.
Kamar yadda sanarwa ta zo, zuwa karfe 10:00 ko kimanin haka za a fara hukunci.
