APC 13 SDP 7 PDP 0: Yadda Aka Kare da Ododo, Ajaka da Dino a Zaben Gwamnan Kogi

• Kamar yadda sakamakon zaben gwamnan jihar Kogi ya nuna, jam’iyyar APC mai mulki ta yi nasara da rinjaye mai yawa
• Manyan jam’iyyu hudu su ka tabuka abin a yaba a takarar bana, amma PDP ba ta iya yin nasara a ko karamar hukuma guda ba
• Jam’iyyar APC da ta zo ta farko ta lashe kananan hukumomi 13, ADC da SDP su ka raba ragowar kananan hukumomin Kogi

M. Malumfashi ya shafe shekaru ya na kawo labaran Hausa musamman na siyasa, addini, tarihi, wasanni da al’ada

Kogi - Legit ta tattaro nasarar da manyan jam’iyyun su ka samu a kananan hukumomi 21 da ake da su, inda APC mai ci ta samu nasara.

Babbar jam’iyyar adawa ta PDP ta fi kowa shan kunya a zaben domin Sanata Dino Melaye bai iya samun nasara ko da a karamar hukumarsa ba.

Kara karanta wannan

Farfesa Yakubu Yana Fuskantar Barazanar Zuwa Gidan Yari a Kujerar Shugaban INEC

SDP da ADC sun kawo kananan hukumomi 8

Murtala Yakubu Ajaka da ya tsaya takara a jam’iyyar SDP ya samu nasara a kananan hukumomi bakwai, kusan dukansu daga gabashin jihar Kogi.

Hon. Leke Abejide na ADC ya tsira da karamar hukumarsa ta Yagba ta yamma a zaben.

SDP ta samu 25% a garuruwa 14 a Kogi?

A mafi yawan garuruwan Ebira inda APC ta samu rinjaye mai karfi irinsu Adavi da Okene, Murtala Ajaka bai iya tsira da wasu kuri’un kirki ba.

Duk da nasarar SDP da Ajaka a Kogi ta gabas a garuruwa kamar Dekina, Ankpa har zuwa Idu, APC ta samu kuri’un da ake bukata a tsarin mulki.

APC ta ci zaben jihar Kogi

Farfesa Johnson Urama ya tabbatar da nasarar Ahmed Usman Ododo wanda jam’iyyarsa ta APC ta zo ta farko a kananan hukumomi 13.

Kara karanta wannan

Zabe ya kammala a Kogi, INEC ta sanar da wanda ya lashe zabe, ya fi kowa adadin kuri'u

Jam’iyyar APC ta samu galaba sosai a yankin Kogi ta tsakiya da kuma yammacin jihar.

Ahmed Usman Ododo (APC)

1. Lokoja

2. Ajaokuta

3. Yagba ta Yamma

4. Okehi

5. KABBA/BUNU

6. Koton Karfe

7. Okene

8. Adavi

9. Bassa

10. Mopamuro

11. Kogi

12. Ogori Magongo

13. Ijumu

Murtala Yakubu Ajaka (SDP)

1. Igalamela

2. Ofu

3. Dekina

4. Ankpa

5. Olamaboro

6. Omala

7. Idu

Leke Abejide (ADC)

1. Yagba ta Gabas

APC ta samu nasara a Imo

Ana da labari cewa Hope Uzodinma ya yi raga-raga da jam'iyyun hamayya a Imo.

Yadda APC ta sha gaban PDP a zaben Gwamnan Imo, da alama haka za ayi wa APC nisa a jihar Bayelsa wanda za a cigaba da tattara kuri'u a yau.

Asali: Legit.ng