Fitaccen Mawakin Najeriya Ya Samu Kyautar Motar N210m, Zai Rabawa Marayu N300m
- A yayin bikin cikarsa shekaru 32 a duniya, fitaccen mawakin Najeriya, David Adeleke ya samu kyautar motar alfarma ta N120m
- Wani kamfanin Texas ne ya ba mawaki Davido kyautar motar kirar Cadillac Escalade 600 saboda kyakkyawar huldarsu
- Gabanin samun kyautar motar, mawaki Davido ya sanar da cewa zai rabawa marayu tallafin Naira miliyan 300m a shekarar nan
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Sani Hamza, kwararren edita ne a fannin nishadi, al'amuran yau da kullum da kuma siyasa. Sani yana da shekaru sama da biyar a aikin jarida
Fitaccen mawakin Najeriya, David Adeleke wanda aka fi sani da Davido ya samu kyautar dankareriyar mota kirar Cadillac Escalade 600.
An ce wani kamfanin sayar da ababen hawa da ke da hedikwata a Dallas, Texas ne ya ba mawakin kyautar motar yayin bikin cikarsa shekaru 32.
Asali: UGC
Mawakin Najeriya ya samu kyautar mota
Kamfanin sayar da motocin mai suna Mr. Jay Autos LLC ya sanar da ba mawakin kyautar motar alfarmar ne a ranar Alhamis, a shafinsa na Instagram.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Kamfanin ya godewa mawakin kan ci gaba da kasancewa abokin huldarsu da kuma irin kyakkyawar alakar da ke tsakaninsu.
"A zagayowar ranar haihuwarka, kamfaninmu, MR JAY AUTOS LLC ya yanke shawarar ba ka kyautar sabuwar mota kirar Escalade 600.
"Muna godiya da goyon bayanka da kuma ƙaunar ka ga kamfaninmu. Muna taya ka murnar zagayowar ranar haihuwarka Oriande @davido."
Binciken Legit Hausa ya nuna cewa ana sayar da 2022 Cadillac Escalade 600 a kan farashin Naira miliyan 120 a Najeriya.
Davido zai ba marayu tallafin N300m
Jim kadan bayan sanarwar kamfanin, mawakin ya ba su amsa da cewa: "Kai! Ina kaunarku. Na gode kwarai, J!"
Kafin wannan kyautar, a kwanakin da suka gabata ne fitaccen mawakin ya sake daukar hankalin jama'a bayan sanar da shirin ba da tallafi a wannan shekarar.
Ya bayyana shirin bayar da tallafin miliyoyi ga gidajen marayu a fadin Najeriya ta hannun gidaunisa ta Davido Adeleke (DAF).
"A zagayowar ranar haihuwata na bana, zan rabawa marayu tallafi, zan kuma tallafawa matasa domin karesu daga shan miyagun kwayoyi.
"Wannan shekarar, zan raba tallafin Naira miliyan 300. Nan gaba kadan zan sanar da cikakken bayani game da tallafin."
- Davido ya wallafa a shafinsa na X.
Davido ya ba amaryarsa motar alfarma
A wani labarin, mun ruwaito cewa fitaccen mawaki David Adeleke (Davido) ya gwangwaje amaryarsa, Chioma da kyautar dalleliyar mota samfurin SUV.
An ce wani kamfanin sayar da motoci ne ya ba mawakin kyautar motar, inda shi kuma ya ga dacewar ya mallakawar amaryarsa motar jim kadan bayan daura aurensu.
Asali: Legit.ng
