'An Yi Artabu': Ƴan Banga, Mafarauta Sun Halaka Ƴan Bindiga, An Ceto Mutane 14
- 'Yan banga da masu farauta sun kashe wasu masu garkuwa da mutane a kazamin artabu da suka yi a dajin Achido, Nasarawa
- An ceto mutane 14 bayan daya daga cikin wadanda aka sace ya tsero, sai ya bayyana wurin da masu garkuwan suka ajiye su
- Shugaban karamar hukumar Toto ya tabbatar da cewa an kubutar da mutanen yankin da aka sace tare da mika su ga iyalansu
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Sani Hamza, kwararren edita ne a fannin nishadi, al'amuran yau da kullum da kuma siyasa. Sani yana da shekaru sama da biyar a aikin jarida
Nasarawa - 'Yan banga da mafarauta sun kashe masu garkuwa da mutane a wani kazamin artabu a dajin Achido, wanda ke kan iyaka da Abuja da jihar Nasarawa.
Daya daga cikin masu farautan, Iliyasu Adamu, wanda ya kasance cikin aikin, ya ce an ceto mutanen a ranar Talata, 5 ga Nuwamba, 2024.
Asali: Original
Iliyasu Adamu ya ce 'yan bangar Miyetti Allah da mafarautan sun kai samame sansanin masu garkuwa da mutanen a garin Achido, inji rahoton Daily Trust.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
An kashe masu garkuwa da mutane
Ya ce an gano sansanin 'yan bindigar ne bayan daya daga cikin wadanda aka sace ya tsero daga mabuyarsu kuma ya bayyana inda aka ajiye su.
Mafaraucin ya ce bayan an gano mabuyar 'yan bindigar ne, 'yan sintirin Miyetti Allah da mafarautan suka dura cikin dajin domin kai samame.
Ya ce an kashe wasu daga cikin masu garkuwa da mutanen, ciki har da shugabansu, a wani kazamin artabu, inda ya ce wasu daga cikinsu sun tsere da raunuka.
Daya daga cikin wadanda aka ceto, da ya yi magana a ranar Alhamis, ya ce yana aiki a gonarsa lokacin da aka sace shi wasu makonni da suka wuce.
Ciyaman ya tabbatar da ceto mutanen
Shugaban karamar hukumar Toto na jihar Nasarawa, Pharmacist Ahmed Baba Yahaya, ya tabbatar da ceto mutanen 14 da aka sace.
Ya ce an mayar da wadanda aka sace ga iyalansu kuma ya yaba wa 'yan sintirin da mafarautan kan wannan babban aiki.
Kakakin rundunar 'yan sanda na jihar, SP Rahman Nansel, bai maido sakon da aka aika masa ba game da aikin ceton har zuwa lokacin da aka wallafa rahoton.
'Yan bindiga sun kai hari garin Toto
A wani labarin, mun ruwaito cewa 'yan bindiga sun kashe Garba Yakubu a wani hari da suka kai a jihar Nasarawa, inda suka kuma sace mutum biyu.
Kakakin ƴan sandan jihar, Ramhan Nansel, ya tabbatar da aukuwar lamarin, ya ce 'yan bindigar sun shiga gidan Agaba Yakubu da daddare, suka harbi Garba.
Muhammad Malumfashi, babban edita a sashen Hausa na Legit ya duba labarin.
Asali: Legit.ng
