NiMET: Jerin Jihohin Arewa 6 da Za a Tafka Ruwa da Iska Mai Karfi, an Gargadi Mutane
- An gargadi mazauna jihohin Kano, Katsina, Sokoto, Kebbi, Kaduna da Zamfara da su guji yankunan da suka saba ganin ambaliyar ruwa
- Hukumar kula da yanayi ta Najeriya ta fitar da sanarwar gargadin ne a ranar Litinin, inda ta ce jihohin za su fuskanci ruwa mai karfi
- Hukumar NiMET ta yi hasashen cewa tsawa da iska mai karfi tare da ruwan sama kamar da bakin kwarya zai zuba a kwanaki masu zuwa
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Sani Hamza, kwararren edita ne a fannin nishadi, al'amuran yau da kullum da kuma siyasa. Sani yana da shekaru sama da biyar a aikin jarida
Abuja - Hukumar kula da yanayi ta Najeriya (NiMET) ta fitar da sanarwar gargadi ga wasu jihohin Arewacin kasar guda shida.
NiMET ta gargadi jihohin da su shirya ganin tsawa da iska mai karfi yayin da ruwan sama kamar da bakin kwarya zai zuba a kwanaki masu zuwa.
Asali: Getty Images
Tsawa da ruwa a jihohi 6
Gargadin na kunshe ne a cikin wata sanarwa da hukumar gwamnatin ta fitar ranar Litinin, 26 ga Agusta a shafinta na X.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
A cewar hukumar da ke da alhakin hasashen yanayi, ta ce jihohin arewa abin ya shafa su ne:
- Kano
- Katsina
- Sokoto
- Kebbi
- Kaduna
- Zamfara
NiMET ya ta yi hasashen cewa ruwan saman da za a tafka kamar da bakin kwarya zai iya haifar da ambaliya.
An shawarci mazauna wadannan yankuna da su yi taka tsantsan da kuma shirya kansu domin fuskantar yanayin mai cike da kalubale.
NiMET ta ba da matakan kariya
1. Ruwan sama mai yawa na iya haifar da ambaliya; an shawarci mazauna jihohin da su guji wuraren da suka saba ganin ambaliyar ruwa.
2. A bi ƙa'idodin kare kai da hukumomin da abin ya shafa suka bayar.
3. An shawarci jama'a da ma'aikatan jirgin sama da su sami sababbin rahotanni na hasashen yanayi daga NiMet domin tsara ayyukansu yadda ya kamata.
4. Ci gaba da samun bayanai game da sauyin yanayi daga NiMet ta ziyartar shafinta na yanar gizo a http://nimet.gov.ng
Za a sheka ruwa a jihohi 26
A wani labarin, mun ruwaito cewa hukumar kula da yanayi ta Najeriya (NiMET) ta yi hasashen cewa za a zabga ruwan sama a wasu jihohi 26 na Najeriya.
Awanni 24 ake tunanin za a dauka ana tsula ruwan sama a jihohin Kudu da Arewa, wanda har ake hasashen ruwan na iya jawo ambaliya.
Asali: Legit.ng
