EFCC ta Bankado Alakar Tsohon Minista Hadi Sirika da Kamfanin da ya yi Badakalar Kwangila
- Hukumar hana yiwa tattalin arziki ta'adi ta bayyana wa kotu cewa diyar tsohon minista Hadi Sirika na cikin badakalar kwangila ta N1.14bn da ake zargin an tafka
- Shaidar hukumar EFCC na biyu Mishelia Arhyel ya shaidawa kotu cewa kamfanin Al-Buraq Global Investment Ltd da ya yi aikin kwangilar mallakin Fatima Sirika ne da mijinta
- Mista Arhyel ya ce kamfanin Al-Buraq ya yi rajista a 17 Yuni, 2021 inda aka lissafa daraktocinsa da Jalal Hamma, diyar tsohon minista Fatima Sirika da Shinade Saratu
A'isha Ahmad edita ce a sashen Hausa na Legit. Tana da ƙwarewa wajen rubutun labarai da rahotanni tsawon shekaru uku. Ta kware a kawo rahotannin, al'amuran da su ka shafi mata da yara da siyasa.
Abuja-Hukumar hana yiwa tattalin arzikin kasa zagon kasa (EFCC) ta bayyana wa kotu cewa diyar tsohon minista harkokin sufurin jiragen sama, Hadi Sirika na da hannu cikin zargin badakalar kwangila na N1.14bn da ake yi masa.
Shaidan da EFCC ta gabatar a gaban kotu ya bayyana cewa diyar tsohon ministan, Fatima da mijinta Jalal Hamma ne mamallaka kamfanin Al-Buraq Global Investment Ltd da ake zargi da badakalar.
Asali: Facebook
Leadership News ta tattaro cewa shaidan da ya kula da harkokin bankin Zenith mai suna Mishelia Arhyel shi ne shaida na biyu da EFCC ta gabatar wa kotu a shari’ar zargin badakala da ta ke zargin Hadi Sirika, ‘yar sa Fatima da sirikinsa Jalal Hamma da kamfaninsu Al-Buraq Global Investment Ltd da aikatawa.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
EFCC ta zargi Sirika da azurta kansa
Hukumar EFCC dai ta na zargin tsohon minista, Hadi Sirika da azurta kansa da makusantansa ciki har da kamfanin Tianaero Nigeria Limited da Al-Buraq Global Investment Ltd da ake zargin mallakin diyarsa da mijinta ne.
An yi zargin Sirika ya bi ta bayan fage wajen bayar da kwangilar aikin jirgin saman Najeriya na Nigerian Air da aikin filin jirgin Katsina da kamfanin Al-Buraq ya yi a kan N1.4 billion, kamar yadda The Cable ta wallafa.
Shaidar EFCC din, Arhyel ya yi ce kamfanin Al-Buraq ya yi rajista a 17 Yuni, 2021 inda aka daraktocinsa su ka hada da Jalal Hamma, Fatima Sirika, da Shinade Saratu.
Dukkanin wadanda ake zargi sun musanta tuhume-tuhumen amfani da kudin jama’a ba bisa ka’ida.
Bayan sauraren shari’ar, kotu karkashin mai shari’a Sylvanus Oriji ta dage ci gaba da sauraron karar zuwa 20 Yuni, 2024.
Kotu ta bayar da belin Hadi Sirika
A wani labarin kun ji cewa kotu ta bayar da belin tsohon ministan tarayya, Hadi Sirika da diyarsa da wasu mutane uku da ake zargi da badakala.
Hukumar hana yiwa tattalin arzikin kasa ta’annati ta EFCC ce ta gurfanar da tsohon ministan da wasu kamfanoni biyu gaban kotu.
Muhammad Malumfashi, babban edita a sashen Hausa na Legit ya duba labarin.
Asali: Legit.ng
