Ana Cikin Jimamin Kisan Sojoji a Delta, Shugaba Tinubu Ya Yi Buda Baki da Hafsoshin Tsaro
- Hafsoshin tsaro sun amsa gayyatar shugaban ƙasa, Bola Ahmed Tinubu, zuwa fadarsa da ke Aso Rock Villa a Abuja
- Shugaban ƙasar ya yi buɗa baki tare da hafsoshin tsaron ne a sabon babban ɗakin taro na Banquet Hall da ke cikin fadar shugaban ƙasa
- Mambobin majalisar zartaswa ta tarayya da shugabannin ma'aikatu da hukumomi na daga cikin waɗanda aka yi buɗa bakin tare da su
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Editan Legit Hausa Sharif Lawal yana da ƙwarewar shekaru wajen kawo rahotannin siyasa, al'amuran yau da kullum, tsegumi da nishaɗi
FCT, Abuja - Shugaban ƙasa Bola Tinubu ya karɓi baƙuncin hafsoshin tsaron domin buɗa bakin azumin watan Ramadan a fadar shugaban ƙasa da ke Abuja.
Ɓuɗa bakin na zuwa ne a yayin da ake ci gaba da kace-nace kan kisan da aka yi wa sojoji 16 a jihar Delta a ranar Alhamis, 14 ga watan Maris, 2024.
Asali: Facebook
Su wa Tinubu ya yi buɗa baki da su?
Shugaban ƙasan ya kuma karɓi baƙuncin mambobin majalisar zartarwa ta tarayya (FEC), shugabannin ma’aikatu da hukumomi, a fadarsa da ke Abuja a ranar Talata, 19 ga watan Maris, domin buɗa baki a watan Ramadan.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Mambobin majalisar ministoci da dama sun taru a cikin sabon ɗakin taro na Banquet dake fadar shugaban ƙasa domin buɗa baki tare da Shugaba Tinubu, cewar rahoton jaridar The Nation.
A ranar Alhamis, 14 ga watan Maris, shugaban kasar ya karɓi baƙuncin gwamnonin 36 na ƙasar nan, jim kaɗan bayan kashe sojoji 16 a yankin Okuama dake jihar Delta.
Ƴan bindigan a yayin harin sun kashe Kwamanda ɗaya, Manjo biyu, Kyaftin ɗaya da sojoji 12 bayan sun yi musu kwanton ɓauna.
Shugaba Tinubu ya gana da Oberevwori
A wani labarin kuma, kun ji cewa shugaban ƙasa Bola Ahmed Tinubu, ya gana da gwamnan jihar Delta, Sheriff Oberovwori a fadar Aso Rock Villa da ke Abuja.
Gwamnan ya ziyarci shugaban ƙasan kan ta'adin da aka yi na halaka sojoji 16 a yankin Okuama na ƙaramar hukumar Ughelli ta jihar.
Gwamnan a yayin ziyarar ya yi wa shugaban ƙasan cikakken bayani kan yadda lamarin mara daɗi ya auku.
Asali: Legit.ng
