Budurwa Ta Ce Tana Samun N4m Duk Wata Daga Man Ja, Bidiyon Ya Girgiza Intanet

• Wata mata da ke zaune a Fatakwal ta haddasa cece-kuce a soshiyal midiya sakamakon ikirarin da ta yi game da sana'arta ta man ja
• A cikin wani bidiyo da ya yadu, matashiyar ta bayyana cewa tana tashi da Naira miliyan 4 duk wata daga wannan sana'a
• Yayin da wasu suka gargade ta game da ikirarin da ta yi, wasu sun jinjina mata har da son sanin yadda take wannan sana'a

Aisha Musa ta shafe tsawon shekaru tana kawo labaran Hausa a bangaren siyasa, tsegumi da al’amura

Wata matashiya 'yar Najeriya ta shiga dandalin soshiyal midiya domin baje kolin sana'arta ta man ja.

Matar wacce ke zaune a Port Harcourt tana kasuwancinta ta yada wani bidiyo da ke nuna abubuwa daban-daban da take yi a harkokin kasuwancinta.

Kara karanta wannan

'Yan ta'adda da makiyaya ne ke jawo wahalhalun da ake sha a Najeriya, inji fasto Ayodele

A cikin bidiyonta na TikTok, @bibireuben ta rubuta cewa tana samun Naira miliyan 4 duk wata amma ta yi gum game da sirrin kasuwancin.

Bidiyon @bibireuben ya girgiza TikTok, inda ya haifar da martani da dama daga mutane. Wasu sun ji mata tsoron jefa kanta a matsala da wannan ikirari nata.

Wasu kuma na son sanin yadda take samun wannan ciniki.

Kalli bidiyon a kasa:

Jama'a sun yi martani kan bidiyon

Fxik ta ce:

"Ina sha'awar kasuwancin daga Enugu ina son sanin karin bayani musamman wadanda zan sayarwa."

iamleviMcCarthy ta ce:

"Ya kamata dai ki sani miyagun mutane na batar da kamanni a matsayin kwastama ki yi tutanin kariyarki."

zeleluxury hair ta ce:

"Don Allah ta yaya zan shiga wannan sana'a domin dai wanda nake yi bai da kan gado."

Kara karanta wannan

Rashin tausayi: 'Yan sanda sun kama wata mata da ta ba diyarta guba

Thilda ta ce:

"Mahaifiyata na yin wannan sana'a kuma matar nan na da kudi faaaa."

Ayinla Olugbenga ya ce:

"Ki rika bar wa kanki sanin abin da kike samu. Ki dunga lura da lamarin tsaro. Shawara ce kawai."

Alvira Anthony ta ce:

"Nuna mani hanya faaaa."

Kazantaccen wurin da ake sarrafa manja

A wani labarin, mun ji cewa jama'a sun yi cece-kuce kan bidiyon wata matashiya da ke nuna muhallin da take sarrafa man ja.

Bidiyon da aka wallafa a Twitter ya bai mutane mamaki saboda wurin na da datti sosai da tabo.

Asali: Legit.ng