Majalisa Tayi Karin N370bn a Ma’aikata 1, An Warewa Minista Naira Tiriliyan 1.03 a 2024

• Sanatoci da ‘Yan majalisar tarayya sun yi karin kudi a kan abin da aka warewa ma’aikatar ayyuka
• Majalisar Najeriya ta ga bukatar a kara adadin kudin da David Umahi zai kashe wajen yin hanyoyi
• Ministan zai kashe N1.03tr a madadin N657bn da Bola Tinubu ya gabatar a kundin kasafin na bana

M. Malumfashi ya shafe shekaru ya na kawo labaran Hausa musamman na siyasa, addini, tarihi, wasanni da al’ada.

Abuja - Majalisar tarayya tayi kari a kasafin kudin ma’aikatar ayyuka, abin da aka warewa ma’aikatar ya karu daga lissafin da aka yi.

Da farko N657.3bn Bola Ahmed Tinubu ya ware domin yin ayyuka a shekarar 2024, yanzu ‘yan majalisa sun kara kudin zuwa N1.03tn.

Majalisa tayi wa Minista karin 57%

Punch ta ce karin da aka yi ya kai N373bn ko a ce 56.7% na abin da aka ware a kundin da Bola Ahmed Tinubu ya mikawa majalisa.

Kara karanta wannan

N585m: EFCC ta titsiye Akanta Janar kan zargin badakalar Sadiya Farouk da Betta Edu

Karin yana nufin kasafin kudin ma’aikatar ayyuka ya karu da 65.4% idan aka kamanta da kudin da aka warewa ma’aikatar a bara.

Aikin da Ministan zai yi a kasafin 2024

Wannan ma’aikata ce ta ke da alhakin gyara da kula da tituna na kilomita 33, 000 da ake da su da kuma gadojin da ke manyan hanyoyi.

A maimakon N617.9bn, jaridar ta ce ma’aikatar za ta batar da N987.3bn wajen yin ayyuka a sabuwar shekarar ta 2024 da aka shiga.

Takardar kasafin da aka samu ta nuna za a kashe N15bn wajen aikin titin Ota-Idiroko da kuma N4bn kan hanyar Iyin-Ilawe Ekiti a Ekiti.

An amince da N94.83bn domin gina titin Lafiya da fadada hanyar Otukpo-Makurdi.

Bangaren kwangilar titin Enugu-Fatakwal zai ci N13.5bn kamar yadda aka ware N10.1bn domin titin Malando-Garin-Baka-Ngaski-Wara.

Har ila yau a jihar ta Kebbi, kwangilar titin Koko-Besse-Zaria-Kala Kala za ta ci N11bn.

Kara karanta wannan

Ministan Tinubu ya ki amsa gayyatar hukumar kula da da’ar ma’aikata

Ministoci sun koka da rashin kudi

Ministan ayyuka, David Umahi ya ce suna kokarin ganin an kammala aikin tituna na akalla kilomita 150 a kowace jiha a shekarar 2024.

Dama wasu ministocin kasar sun roki a kara yawan kudin da aka ware masu.

Akanta Janar a EFCC

Sababbin bayanai sun fito a wajen binciken tsohuwar Ministar jin-kai ta Najeriya, Sadiya Umar-Farouq da Betta Edu da aka dakatar.

Binciken ya jawo ana lalubo gaskiyar N3bn da aka taba a asusun COVID-19 a gwamnati, hakan ya sa aka kira Akanta Janar ta kasa.

Asali: Legit.ng