N2.5tr: Kamfanin NNPC Ya Samu Ribar Da Ba a Taba Ji ba a Shekaru 47 a Zamanin Tinubu

• A shekarar da ta wuce watau 2022, kamfanin NNPC Ltd ya samu ribar fiye da Naira Tiriliyan 2.5
• Kafin zuwan dokar PIA, an yi shekara da shekaru, babu abin da NNPCL yake samu sai asara
• Bayanan da aka fitar a makon nan ya tabbatar da kamfanin man Najeriyan ya kafa tarihi a bara

M. Malumfashi ya shafe shekaru ya na kawo labaran Hausa musamman na siyasa, addini, tarihi, wasanni da al’ada.

Abuja - Kamfanin man Najeriya watau NNPC Ltd., ya sanar da cewa ya samu ribar N2.548tn a cikin shekarar 2022.

A ranar Talata, kamfanin NNPC Ltd ya bada sanarwar samun ribar da ta fi kowace tun da aka kafa ta a shekarar 1977.

An fara samun riba a kamfanin NNPCL

Punch ta ce kamfanin ya canza salo a Agustan 2021 bayan da shugaba Muhammadu Buhari ya sa hannu a dokar PIA.

Kara karanta wannan

Dalibi ya gwangwaje tsohon malaminsa da kyautar sabuwar mota da kudin mai na wata 12

Kamfanin gwamnatin Najeriyan ya koma kasuwanci da gaske musamman bayan tabbatar da cire tallafin man fetur a 2023.

Asara da ribar NNPCL a cikin shekaru 5

Bayanin da aka samu daga NNPCL ya nuna kamfanin man ya yi asarar N803bn a 2018.

Zuwa shekara mai zuwa ta 2019, sai asarar ta ragu zuwa 2019. A 2020 kuwa an samu ribar N287bn wanda ta canza lamarin.

A karkashin jagorancin Mele Kolo Kyari, a 2021, kamfanin man ya ci ribar N674.1bn wanda ya faru zuwa N2.458tr a 2022.

The Cable ta ce kamfanin zai fito da cikakken rahoton kudin da aka kashe da wanda aka samu a shekarar 2022 da ta gabata.

NNPCL na kama masu satar danyen mai

A sanarwar da aka fitar, kamfanin NNPCL ya bayyana cewa ya gano matatun tace mai na karya 52 a Neja Delta a mako guda.

Kara karanta wannan

Tattalin Arziki: Za a kori dinbin mutane daga wuraren aiki a dalilin karyewar Naira

A kokarin maganin masu satar arzikin Najeriya, kamfanin NNPCL ya bankado yadda ake fasa kaurin danyen mai a Akwa Ibom.

Rahoton ya ce NNPC ya gano miyagu na sace danyen mai a garuruwan Warri da Bayelsa, an kuma yi nasarar kama mutane 17.

Za a kara farashin fetur?

Kamfanin mai na kasa wanda aka fi sani da NNPCL yace ba a biyan tallafi kamar yadda bankin duniya da 'yan kasuwa su ke zargi.

Har yanzu ana sayen man fetur ne a kan N617-N690, duk da ikirarin cire tallafi tun 2023, wasu sun ce ya kamata farashin lita yt canza.

Asali: Legit.ng