Dakarun Sojoji Sun Sama Nasara Kan Yan Ta'adda a Taraba, Sun Ceto Mutanen da Suka Sace
- Dakarun sojojin Najeriya sun samu galaba kan miyagun ƴan masu yin garkuwa da mutane a birnin Jalingo na jihar Taraba
- Dakarun sojojin sun kai sumame ne kan maɓoyar ƴan ta'addan inda suka fatattake su tare da ceto mutum biyu da suka yi garkuwa da su
- Da yawa daga cikin masu garkuwa da mutanen sun arce bayan ganin jami'an tsaro amma an samu nasarar cafke biyu daga cikinsu
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Editan Legit Hausa Sharif Lawal yana da ƙwarewar shekaru wajen kawo rahotannin siyasa, al'amuran yau da kullum, tsegumi da nishaɗi
Jihar Taraba - Dakarun sojojin Najeriya sun samu nasarar ceto wasu mutum biyu da aka yi garkuwa da su a wata unguwa da ke bayan garin birnin Jalingo, babban birnin jihar Taraba.
Sojojin sun ceto mutanen da aka sace ɗin ne a kewayen CBN-Babayau a ƙaramar hukumar Jalingo, cewar rahoton Channels tv.
Asali: Twitter
Hakan ya fito ne cikin wata sanarwa da kwamandan runduna ta 6 ta sojojin Najeriya, Birgediya Janar Frank Etim ya fitar, rahoton Premium Times ya tabbatar.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Yadda aka samu galaba kan ƴan ta'addan
A cewarsa, an samu nasarar hakan ne a safiyar ranar Lahadi, 26 ga watan Nuwamba, 2023, a lokacin da sojoji bisa sahihan bayanan da suka samu suka kai sumame a maɓoyar ƴan ta'addan.
A cewarsa ƴan ta'addan suna da maɓoya a babban birnin jihar, inda su ke kitsa ayyukansu.
A yayin farmakin, an cafke mutum biyu daga cikin masu garkuwa da mutanen, yayin da wasu suka gudu bayan ganin dakarun sojojin.
"Sojojin sun bi bayansu kuma nan ba da daɗewa ba za su cafke su." A cewar kwamandan.
A halin da ake ciki, ya yaba da ɗaukin da sojojin suka kai a kan lokaci, ya kuma umurce su da kada su yi kasa a gwiwa wajen tabbatar da zaman lafiya da tsaron al'umma.
Sojoji Sun Fatattaki Ƴan Bindiga
A wani labarin kuma, kun ji cewa dakarun sojoji tare da haɗin gwiwar ƴan sakai sun fatattaki ƴan binɗiga a ƙaramar hukumar Shanga ta jihar Kebbi.
Dakarun sojojin sun kuma samu nasarar ceto mutum shida da miyagun ƴan bindigan suka sace sumamen da suka kai maɓoyarsu.
Asali: Legit.ng
