Gaskiya Ta Bayyana Game Da Wani Bidiyo Da Ke Ikirarin Hannatu Musawa Tana Busar Hayaki

• Ministar al'adu, Hannatu Musawa, ta sake jan hankali bayan wani bidiyo da ya yadu ya nuno wata mata tana rawa da busa hayaki
• Masu amfani da soshiyal midiya da ke yadfa bidiyon sun yi zargin cewa matar Musawa ce, lamarin da ya janyo mata suka
• Wani dandalin binciken kwakwaf ya yi ikirarin cewa ba Musawa bace a cikin bidiyon

FCT, Abuja - Wani bidiyo da aka wallafa a dandalin X wanda aka fi sani da Twitter da Facebook ya nuno wata mata tana busa hayaki da rawa a wajen wani taro.

An yi ikirarin cewa matar da ke bidiyon ministar Fasaha, Al'adu da Tattalin Arzikin Fikira, Hannatu Musawa ce

Rahoton karya game da Musawa tana busa hayaki a wajen shagali

Legit Hausa ta gano ikirarin a Facebook da dandalin X.

Kara karanta wannan

“Rabona Da Wanka Shekara 1”: Yar Najeriya Da Ke Jin Bakin Muryoyi Ta Koka a Bidiyo, Tana Neman Agaji

Wani rubutu da aka yi ya ce:

"Ministar Fasaha, Al'adu da Tattalin Arzikin Fikira ta Tinubu, Hannatu Musawa tana bikin murnar nadinta a wani wuri a Najeriya. #Dubi daya daga cikin ministar mu tana zukar hayaki a bainar jama'a, abin kunya ne ga yan Najeriya a matsayin kasa."

Amma da gaske matar da ke rawa a bidiyon Musawa? Dandalin binciken gaskiya, Africa Check ya yi bincike.

Bayan bincike, shafin yanar gizon ya ce matar da ke cikin bidiyon ta taka rawa ne ga wata wakar yarbawa.

Amma Musawa Bafulatar usuli ce kuma yar jihar Katsina.

Harshen yarbanci da aka rera wakar da shi a bidiyon, ba yare ne da ake yi a tsakanin yan arewa ba da har Musawa za ta fahimce shi da kuma taka rawarsa.

Dandalin ya kuma ce ya duba hotunan Musawa da dama sannan ya kwatanta shi da na matar da ke cikin bidiyon -"ba mutum daya bane".

Kara karanta wannan

Yadda Likita Ya Yanke Jiki Ya Mutu Bayan Ya Shafe Tsawon Awanni 72 Yana Aiki a Asibitin LUTH

Akwai wani dan banbanci a suffar fuskarsu, kala da kuma yanayin shigarsu, dandalin binciken ya bayyana.

Hannatu Musawa: Shin masu yi wa kasa hidima na iya zama minista? Falana, sauran lauyoyi sunyi martani

A wani labarin, manyan lauyoyi a Najeriya na cigaba da tafka muhawara kan sahihancin nada Hannatu Musawa, wadda bata kammala bautar kasa ba, a matsayin ministar bunkasa al'adu da shugaba Tinubu yayi.

Yayin da wasu lauyoyin ke cewa hakan bai sabawa doka ba, wasu basu amince ba.

Asali: Legit.ng