Kwamishina Ta Sha Dukan Tsiya A Wurin Rabon Kayan Tallafi A Jihar Ondo
- Kwamishinar harkokin mata a jihar Ondo ta sha tsinannen duka yayin raba kayan tallafin rage radadi a jihar
- Kwamishinar mai suna Olubunmi Osadahun ta gamu da tsautsayin ne a yankin Arigidi Akoko na Jihar
- Wani fusataccen matashi da aka fi sani da 'Cuba' wanda shugaban jam'iyyar APC ne a yankin ya zargi matar da nuna wariya a rabon
DUBA NAN: Bibiyi shafin Legit.ng Hausa a kafar TikTok. Kada ka bari bidiyo mai daukar hankali ya wuce ka!
Jihar Ondo - Wata kwamishina a jihar Ondo ta sha dukan tsiya bayan an zargeta da nuna wariya wurin raba kayan tallafi.
Kwamishinar wacce ta ke shugabantar ma'aikatar Harkokin Mata a jihar mai suna Olubunmi Osadahun ta gamu da tsautsayin ne a yankin Arigidi Akoko na Jihar.
Asali: Facebook
Meye dalilin dukan kwamishinar a Ondo?
Lamarin ya faru ne a karshen mako, inda ake zargin mambobin jam’iyyar APC a yankin da yin dukan, bayan sun yi zargin ana nuna wariya a rabon, TheCable ta tattaro.
DUBA: Bibiyemu a Instagram don samun labarai masu muhimmanci kai tsaye cikin manhajar
A wani faifan bidiyo, an gano wani fusataccen matashi mai suna Awolumate Olumide wanda shugaban jam'iyyar APC ne a yankin Akoko ya na cin zarafin matar.
Olumide wanda aka fi sani da ‘Cuba’ ya yi wa kwamishinar dukan tsiya kan zargin ta na son yin almundahana da kayan rabon tallafin.
Wane abu aka yi amfani da shi wurin dukan kwamishinar?
Har ila yau, 'Cuba' ya yi amfani da kujerar zama wurin dukanta a kayi, lamarin da ya yi sanadiyar kumbura mata kai suntum.
Majiyoyi daga yankin sun tabbatar da cewa rashin fahimtar ta fara ne lokacin da wasu manyan APC suka yi zargin ba a gudanar da harkar rabon a fili.
Hakan ya saka mutanen wurin rashin gamsuwa da rabon da har ta kai ga Olumide daukar wannan mataki, cewar Tribune.
Olumide kamar yadda rahotanni su ka tabbatar ya zargi kwamishinar da mai da shi saniyar ware a wurin rabon kayan tallafin na gwamnatin jiha.
Kara karanta wannan
Hawaye Sun Kwaranya Yayin da Ɗalibar Jami'ar Tarayya Ta Mutu a Hanyar Zuwa Kasuwa
Kakakin rundunar 'yan Sanda a jihar, Funmilayo Odunlami ta ce har yanzu ba su samu rahoto kan wannan lamari ba.
Gwamna Akeredolu Na Ondo Ya Sallami Hadiman Mataimakinsa
A wani labarin, Gwamnan jihar Ondo, Rotimi Akeredolu ya kori dukkan hadiman mataimakinsa, Lucky Ayedatiwa.
Sakataren yada labaran gwamnan, Richard Olatunde shi ya bayyana haka a ranar Talata 12 ga watan Satumba.
Asali: Legit.ng
