Shugaba Tinubu Zai Biya Mazauna Abuja Da Za Su Rasa Filayensu Diyyar N825m

• Gwamnatin shugaban ƙasa Bola Tinubu ta sanar da biyan diyyar N825m a mazauna yankin Jiwa na Abuja
• Ministan birnin tarayya Abuja, Nyesom Wike shi ne ya sanar da hakan bayan kammala tattaunawa da takwaransa na sufurin jiragen sama, Festus Keyamo
• Wike ya bayyana cewa diyyar N825m za a biya ne ga ƴan asalin Abuja waɗanda za su rasa filayensu saboda ginin hanyar titin jirgin sama da za a yi.

FCT, Abuja - Gwamnatin shugaban ƙasa Bola Tinubu ta sanar da shirin biyan diyyar N825.8bn ga ƴan asalin Abuja, domin yin aikin ginin titi na biyu na jirgin sama a tashar filin jirgin saman Nnamdi Azikiwe da ke Abuja.

A cewar Channels tv, ministan birnin tarayya Abuja, Nyesom Wike shi ne ya sanar da hakan a ranar Talata, 29 ga watan Agusta.

Kara karanta wannan

Miyagun 'Yan Daba Da Haɗin Kan 'Yan Sanda Sun Kai Kazamin Hari Sakatariyar Jam'iyya, Sun Yi Ɓarna

Dalilin da yasa Shugaba Tinubu zai biya diyya

Sanarwar na zuwa ne bayan kammala ganawa tsakanin Wike da takwaransa, Festus Keyamo, ministan sufurin jiragen sama, jami'an ma'aikatun da wakilan ƙauyen da lamarin ya shafa

Wike ya bayyana cewa N825m za ta ƙara wa mazauna ƙauyen ƙarfin gwiwar tashi daga wajen da samun haɗin kansu wajen cimma nasarar aikin ginin titin mai tsawon kilomita 4.2.

Ya kuma sanar da cewa gwamnati za ta kuma gina gada mai tsawon kilomita 5 a ƙauyen Tunga Madaki da gina asibiti na zamani.

Bayanan diyyar N825.819m da Shugaba zai biya

Wike ya buƙaci ƴan kwangila da su gaggauta dawowa wajen domin cigaba da aiki, inda ya bayyana cewa za a fitar da kuɗaɗen da aka amince da su a ranar Laraba, 30 ga watan Agusta.

Sanarwar dai na zuwa ne ƙasa da sati biyu bayan an rantsar da tsohon gwamnan na jihar Rivers a matsayin ministan birnin tarayya Abuja.

Kara karanta wannan

Hadimin Atiku Ya Fadi Iya Wa'adin Da Ya Ragewa Bola Tinubu a Kan Kujerar Shugabanci, Ya Ba Shi Shawara

Tun da farko mazauna ƙauyen na Jiwa, sun fara tattaunawa da gwamnatin Najeriya kan za ta biya N2.5m a matsayin diyya kan kowacce kadada ɗaya.

Wike Ya Kawo Sabon Tsari a Abuja

A wani labarin kuma, ministan babban birnin tarayya Abuja, Nyesom Ezenwo Wike ya dawo da tsarin tsaftace birnin na Abuja.

Wike ya bayyana cewa a sabon tsarin, za a riƙa aikin tsaftace birnin sau biyu a duk wata, kuma tuni har ga gayawa Shugaba Tinubu wannan sabon tsarin na sa.

Asali: Legit.ng