Bidiyon Jarumar Fim Da Attajirin Mijinta a Wajen Bikin Diyar Sanata Sani Ya Girgiza Intanet

• Shahararriyar jarumar Nollywood Regina Daniels ta haddasa cece-kuce a soshiyal midiya yayin da bidiyonta da biloniyan mijita Ned Nwoko a wajen wani biki ya bayyana
• Masoya sun garzaya shafin jarumar inda suka dungi jinjina mata kan daukakar da ta samu wanda ya sha banban da na yan fim a Najeriya
• Ma'auratan sun dauki hankali a wajen bikin da aka yi a Abuja wanda yake na diyar takwaran mijinta ne, Sanata Sani

Wani bidiyo na jarumar Nollywood Regina Daniels tare da biloniyan mijinta, Ned Nwoko, a wajen bikin diyar Sanata Sani ya dauka hankali

A cikin bidiyon da ya yadu, Regina ta fito shar da ita inda ta dunga walwali sannan ta kasance dauke da murmushi a fuskarta wanda ya kara fito da tsantsar kyawunta.

Kara karanta wannan

“Tana Biyan 238k Duk Wata”: Yar Najeriya Ta Baje Kolin Dakinta a Kasar Japan, Bidiyon Ya Yadu

Jaruma Regina Daniels cikin manyan matan sanatoci

An gano jarumar tana gaisawa da sauran manyan mata da suka girme mata a wajen taron, sannan ta fito shar tamkar kifi a cikin kogi.

Mutane da dama a soshiyal midiya sun yaba da yanayin shigar Regina. A lokaci guda, wasu sun kwararo ruwan yabo ga jarumar kan daukakar da ta samu daga jarumar fim zuwa wata babbar mutum a cikin al'umma.

Kalli bidiyon a kasa:

Martanin jama'a kan bidiyon Regina Daniels a wajen bikin diyar Sanata Sani

@zubbyprisca042:

"Regina kadai ce ke cin duniyarta a Najeriyar nan, gaba daya sauranmu za mu dunga bayani har mu gaji ba hujja."

@simeon.delight:

"Daga Regina har Ned duk walwali suke, kwanciyar hankali da kudi suna da kyau."

Kara karanta wannan

Innalillahi Wa Inna Ilaihi Raji'un, An Tsinci Gawar Shugabar Alkalai a Yanayi Mara Kyau a Jihar Arewa

@moonshine_skincareng:

"Lallai kin shirya kuma horar da kanki sosai a wannan tafiyar, karin darajar a halayya, nutsuwa da yadda kike magana duk suna da kyau, sannu da kokari Gina."

@corazon_berry:

"Wahala bata da kyau gaskiya. Yar'uwa, kin yi zabi nagari."

@only_one_milly:

"Shin ku ga wannan?? MATAN SANATAOCI."

@loveaca2018:

"Regina ce kadai ta yi zabi nagari a kasar nan...smh."

Budurwa ta dauki hankali da yanayin rawanta a wajen biki

A wani labarin, mun ji cewa wata budurwa Bahaushiya ta burge masu amfani da soshiyal midiya saboda yanayin rawar da ta yi a wajen wani taro.

A bidiyon da aka wallafa a TikTok wanda ya samu mutum sama da miliyan da suka kalla, an gano matashiyar tana rawa tare da girgiza kwankwasonta yayin da wani kida ke tashi daga kasa.

Asali: Legit.ng