Musulmi Dan Najeriya Ya Angwance Da Tsaleliyar Baturiya Kirista, Da Google Suke Magana

• Wani Musulmi dan Najeriya ya auri Baturiya Kirista da suka hadu a soshiyal midiya suna kuma son junansu duk da banbancin al'ada da addini
• Sun fuskanci wasu yan kalubale kamar da banbancin yare da kuma nisan wuri, amma sun sha kan lamarin da niya mai kyau, yarda da fahimtar juna
• Sun yi aure a Najeriya kuma suna mutunta addini da al'adun junansu sannan suna fatan zama madubin duba ga wadanda suka tsinci kansu a yanayi irin nasu

Isa Hammanjoda, dan shekaru 39 daga jihar Adamawa da ke Najeriya bai taba tunanin soyayya da wata mace daga kasar waje ba.

Ya hadu da Diana Maria Lugunborg, mai shekaru 43 kuma malamar makarantar Firamare ta hannun wata aminiyarta, Ramata Ahmadou, wacce ta auri abokinsa, Mohammed Umar, bayan sun hadu a soshiyal midiya.

Kara karanta wannan

“A Ina Asibitinka Yake?” Kyakkyawan Likita Ya Tashi Kan Yan Mata Yayin da Ya Saki Zafafan Hotunansa a Wajen Aiki, Sun Zauce

Ramata, wacce ita ma take aikin koyarwa a Norway, ta nunawa kawayenta hotunan aurenta a Najeriya sannan Diana ta ci karo da fuskar Isa a wani hoto da suka yi cikin jama'a.

Ta nemi zama kawarsa ta Facebook, sannan daga nan suka fara hira.

Ba da dadewa ba sai suka gane cewa suna da ra'ayi da dama da ya zo daya sannan suka fada tarkon son junansu.

Ya ce:

"Na yi mamakin yadda jininmu ya hadu sosai. Tana da mutuntawa sosai sannan tana tallafa mun da al'adata. Ita ta fara furta mani so, sannan nima na ji haka a kanta."

Diana, wanda aka haifa a Califonia amma ta tashi a Norway, ta taba aure kuma tana da yaro dan shekaru tara.

Isa da Diana sun fuskanci wasu matsaloli a soyayyarsu, kamar banbancin yare.

Kara karanta wannan

Ministocin Tinubu: Mutum 5 Da Suka Sha Wahala Kafin a Tantance Su a Majalisa

Diana tana jin Turanci kadan, sannan Isa yana yin yaren Norway. Suna amfani da fassarar Google wajen magana idan wasu kalamai suka shige masu.

Ya fada ma Daily Trust:

"Diana tana jin Turanci kadan-kadan, don haka yawanci da Turanci muke magana, amma nima na fara koyon yarenta. Idan hira ya kakare, tana amfani da yaren Norway sannan ina da manhajar fassara na Google wanda nake amfani da shi wajen fahimtar abun da take nufi. Duk da haka, yare bai taba zama tsani a garemu ba domin muna samun hanyar zantawa a kodayaushe."

Sun yi aure a Najeriya a ranar 14 ga watan Yulin 2023.

A wani labarin, wani hadadden likita mai suna Dr Jae, ya tashi kan yan mata da dama a soshiyal midiya saboda tsantsar kyawun da Allah ya yi masa.

Lamarin ya fara ne lokacin da Dr Jae ya saki zafafan hotunansa a bakin aiki kan TikTok da taken "Kowa na da rawan ganin da zai taka wannan shine nawa."

Asali: Legit.ng