"Ya Kamata Ya Nemi Gafara": Mutane Sun Yi Martani Bayan Ali Nuhu Ya Godewa Davido Akan Goge Bidiyo

• Awanni kadan bayan sukar Davido akan bidiyon da ya daura, Ali Nuhu ya sauya tunani tare da ba wa mutane hakuri
• Ali Nuhu a shafinsa na Instagram ya godewa Davido saboda goge bidiyon da ya yi wanda ya jawo suka daga mutane
• Ali Nuhu ya roki magoya bayansa da sauran Musulmi da su yi hakuri kada a ci gaba da zage-zage don samun zaman lafiya

Jarumin Kannywood, Ali Nuhu na daga cikin wadanda suka kirayi mawaki Davido da ya goge bidiyon da ya da ke nuna rashin da'a ga Musulunci.

Nuhu ya wallafa hoton Davido inda ya soki mawakin da cewa bidiyon ya sabawa Musulunci tare da bukatar goge bidiyon, Legit.ng ta tattaro.

Ali Nuhu ya roki mutane su yi hakuri bayan Davido ya goge bidiyon

Kara karanta wannan

Yadda Marigayi Albani Ya Hango Janye Tallafin Man Fetur Shekaru 9 da Suka Wuce

Bayan mawakin ya saduda tare da goge bidiyon, Ali Nuhu ya wallafa hoton Davido a shafinsa na Instagram inda ya yabi mawakin akan matakin da ya dauka.

Ya kuma roki magoya bayansa da sauran Musulmi da su yi hakuri akan abin da ya faru don samun zaman lafiya.

A cewarsa:

"Mun gode da ka goge bidiyon, duk wanda ya ji zafin hakan ya yi hakuri don zaman lafiya, ba ni da matsala da kowa.

"Ina kira ga masoya na da su guji dukkan wani abu da zai kawo zagi ko cin mutunci."

Mutane da dama sun yi martani yayin da wasu ke yabon Ali Nuhu.

A wani bangare kuma, jama'a sun soki jarumin da cewa bai kamata ya ba wa Davido hakuri ba.

toyin_abraham:

"@realalinuhu mun gode dan uwa."

Kara karanta wannan

Ya Saduda: Davido Ya Yi Abin Da Ya Dace Bayan Goge Faifan Bidiyon, Saura Abu Daya Tak

jamiluyakasai:

"Wannan abin kunya ne wallafa hoton Davido tare da gode masa, ba Davido ba ne ya cire wannan bidiyon, Instagram ne suka cire, ko da shi ya cire bai kamata ka gode masa ba."

tkannywood_fimmagazine:

"Goge bidiyon bai wadatar ba, ya kamata yaba da hakuri akan abin da ya aikata, wasu suna cewa ba shi ya goge ba kamfanin Instagram ne suka goge.

mutan_arewa:

"Goge wa kadai bai isa ba, ya fito ya nemi afuwar Musulmai don ba mu san waye ya goge bidiyon ba."

maryam__ballah:

"Abin da ya sa yake burgeni ya na gyara kuskurensa, haka ake so dan adam ya zama, a nan gaba kada ya sake wasa da Musulunci, saboda addini na akwai mutunci."

tagwayenasali:

"Ya kamata mu yaba masa tunda ya goge bidiyon, shi ne abin da ake bukata daman."

sen_mubarak_my:

"Ka ji kunya, farko da naga ka wallafa sako akan Davido na ji dadi, don kawai ya cire bidiyon shi ne za a manta da abin da ya yi, ka goge na farko ka zo kana gode masa, kuma bai ko ba da hakuri ba."

Kara karanta wannan

Za su ji a jikinsu: Davido ya yiwa Musulmai martanin gatsali bayan jawo hankalinsa ga bidiyon yiwa sallah izgili

Ali Nuhu Ya Caccaki Davido Kan Bidiyon Da Ya Yada Na Cin Mutunci

A wani labarin, jarumin Kannywood, Ali Nuhu ya soki mawaki Davido kan faifan bidiyo da ya wallafa.

Davido ya wallafa wani bidiyo da ke nuna rashin mutunta addinin Musulunci karara da wani yaronsa ya hau.

Ali Nuhu ya bayyana a shafinsa na Instagram cewa hakan cin zarafin addinin ne da kuma rashin mutuntawa.

Asali: Legit.ng