An Yi Sauye-Sauye Fiye da 20 a Gidan Soja, Hafsun Sojojin Kasa Ya Fara Rabon Mukamai

• Janar Taoreed Lagbaja ya fitar da wasu nade-naden mukaman farko da ya yi a ofishin COAS
• Jawabin sauyin da aka samu ya fito daga ofishin hulda da jama’a na sojoji, Onyema Nwachukwu
• Nwachukwu ya ce Laftanan Janar Lagbaja ya yi kira ga wadanda aka ba mukamai su zage dantse

Abuja - Shugaban hafsun sojojin kasa, Taoreed Lagbaja, ya amince da sababbin nadi da kuma wasu sauye-sauyen manyan jami’ai a fadin Najeriya.

Darektan hulda da jama’a na sojojin kasa, Onyema Nwachukwu ya sanar da wannan a wani jawabi. The Cable ta fitar da rahoto a yammacin Asabar.

Laftanan Janar Lagbaja yake cewa ya amince da canjin wasu manyan jami’an tsaro da ke bangarori da-dama ne saboda a ji dadin tafiyar da ayyuka.

Janar Lagbaja ya umarci wadanda su ka samu mukamai su kara kokarin wajen yakar kalubalen da ake fuskanta na ta’addanci da tada zaune-tsaye.

Kara karanta wannan

Nasara Daga Allah: Hatsabiban 'Yan Ta'adda 6 Sun Sheƙa Lahira a Arewacin Najeriya

Su wa COAS ya tafi da su?

Kamar yadda jawabin na Onyema Nwachukwu ya nuna, nadin mukaman da aka yi sun kunshi:

1. AB Ibrahim — Sashen dabaru da tsare-tsare (DAPP)

2. BR Sinjen — Sashen ayyukan sojoji (DAOPs)

3. OR Aiyenigba — Sashen auna ayyukan sojoji

4. NC Ugbo — Sashen hulda da farar hula

5. E Akerejola — Sashen kai da komawa a Hedikwata

6. BA Alabi — GOC na Hedikwata ta I

7. AE Abubakar — GOC na Hedikwata ta 3/Kwamandan Operation Safe Haven (OPSH)

8. PP Mala — GOC na Hedikwata ta 7/Kwamandan bangaren dakarun Operation Hadin Kai (OPHK).

9. GU Chibuisi — Kwamandan bangaren dakarun Operation Hadin Kai (OPHK).

10. IS Ali — Kwamandan rundunar hadin gwiwa MNJTF

11. EAP Undiandeye — Shubaban leken asiri (NIA)

12. OO Oluyede — Kwamandan Sojojin yaki

13. MG Kangye — Kwamandan Sojojin da ke rike bindigogi

14. AA Adeyinka — Kwamadan sufuri a Hedikwata

Kara karanta wannan

Sabon Shugaban Rundunar Sojin Najeriya Ya Kama Aiki Gadan-Gadan, Ya Ɗauki Manyan Alkawurra

15. KO Aligbe — Kwamdan horaswa

Rahoton ya ce sauran sojojin da su ka samu mukamai a nade-naden da aka yi su ne:

16. JO Ochai — Kwamandan makarantar NDA

17. IB Maina — Kwamandan makarantar ilmin yaki

18. TB Ugiagbe — Shugaban sashen leken asirin sojoji

19. OG Onubogu — Kwamandan cibiyar Martin Luther Agwai

20. N Ashinze — Darekta a sashen DIA

21. AO Onasanya — Shugaban sojojin fadar shugaban kasa

Rahoto ya zo cewa babu mamaki tsarin kasuwanci da na tattalin arzikin da Muhammadu Buhari ya kawo, su canza a gwamnatin Bola Tinubu.

Sabon shugaban Najeriya, Tinubu ya fara nuna yiwuwar inganta alaka da makwabta. A ‘yan shekarun bayan nan, gwamnatin tarayya ta rufe iyakokinta.

Asali: Legit.ng