Hazikin Dan Najeriya Ya Tattara Karkacen Karafa, Ya Kera Wata Kalar Mota Mai Daukar Hankali

• Wani matashi dan Najeriya ya nuna hazakar da Allah ya yi masa ta hanyar kera mota da tarkacen karafa guntaye kusan marasa amfani
• An ga bidiyon lokacin da matashin ke gwada motar a unguwarsu a shafin Instagram kuma 'yan Najeriya da yawa sun shiga mamaki, sun yaba masa
• Ana yawan samun lokuta irin wannan da matasan Najeriya ke amfani da hazakarsu wajen kirkirar abubuwan ban mamaki

Wani dan Najeriya ya bar jama'ar baki bude a shafukan sada zumunta lokacin da aka ga kalar motar da ya kera wata da tarkacen karfe mara amfani.

A cikin wani faifan bidiyo da aka yada a Instagram ranar 15 ga Disamba, @onlynuelpls, ya nuna lokacin da matashin ke tuka motar akan titin garinsu.

Motar da aka kera da karfe

A faifan bidiyon, an ga motar da matashin ya kera a tsaye babu kofa balle wani rufi, kawai a bude take kowa ya sha iska.

Kara karanta wannan

Yaro Da Kudi: Matashin Miloniya Ya Siya Motar Marsandi Sabuwa, Ya Dinka Kaya Dauke Da Logon Benz a Bidiyo

‘Yan Najeriya da dama sun ce ya burge su kuma sun yaba masa bisa irin fikira da yake da iya, sun yi martani da yawa mai daukar hankali.

Kalli bidiyon:

Jama'ar Instagram sun yi martani

@clearcut_lawncare ya ce:

"Dan uwa ya sanya jirgin ruwan da ba a iya gani yana motsi."

@onosedvgbd ya ce:

"Idan da ace manyan mutanenmu za su saka hannun jari a irin wannan tsagwaran basira."

@tylereick 97 ya ce:

"Dan uwa kana tuka kwarangwal kawai."

@logan_olm ya ce:

"Mutumin ya sami sabuwa Lamborghini, Allah ida nufi."

@jasonsntony13 ya ce:

"Wannan abin ban mamaki ne, babu tsaro amma abin ban mamaki ne. Kasancewar yana da wannan fikiri, ya kenan idan yana da wadata. ”

@i_love_my_ninja ya ce:

“Ku sama wa wannan mutumin aiki! Idan ya kera wannan to ya cancanci aiki inda zai yi amfani da wannan ilimin!!"

Kara karanta wannan

Dan Mai Karfi: Bakanike Mai Daukar Injin Mota Shi Kadai Ya Bayyana a Bidiyo

@steelcity33ce4life ya ce:

"Wasu mutane suna ta dariya game wannan amma hanyar kera wannan abin ban mamaki ne."

@xdjohn738 ya ce:

"Abu mai kyau ba ya sauka a Afirka."

@yoshikage said:

"Babu nauyi, ingantacciyar hanyar amfani da mai."

A Najeriya kuwa, gwamnati za ta kaddamar da jirgi mai saukar ungulu na farko da aka kera kuma aka amince dashi a kasar.

Asali: Legit.ng