Ikon Allah: Wani Mutumi Ya Sauya Fasalin Keke Napep Ta Koma Kamar Jirgin Helikwafta

• Wani Mutumi ya kayatar da mutane bayan ya sauya fasalin Keke Napep din da ya siya, ya maida ita abu mai ban sha'awa
• Mutumin mai basirar kirkira ya wallafa yadda Keken ta koma mai wutsiya kamar ta jirgin sama
• Masu amfani da kafafen sada zumunta da suka ga bidiyon sun yaba wa basirar mutumin

Wani mutumi ya wallafa Bidiyo a shafin sada zumunta watau TikTik domin nuna bajintar da ya yi wajen sauya fasalin Keke mai kafa uku wacce aka fi sani da Keke Napep.

Bidiyon, wanda shafin @nanaadwoakorang ya wallafa ya nuna yadda mutumin ya sauya Keken ta koma kamar Jirgi mai saukar Angulu.

Sai dai bidiyon wanda ya watsu, bai nuna lokacin da mutumin ya sauya Keken ba, amma ya nuna yadda mutumin ke daukar Fasinjoji yana kasuwancinsa da ita.

Kara karanta wannan

An Samu Babbar Matsala: Wasu Jiragen Sama Sun Yi Karo a Sararin Samaniya, Rayuka Sun Salwanta

Bidiyon Keke Napep din da aka sauya ta koma kamar Jirgi

A bidiyon mai tsawon dakika 18, mutumin ya fito cikin jama'a da Keke Napep din kuma mutane sun yi mamakin yadda ta koma.

Har Fasinjojin da ya rika dauka sun gaza boye farin cikinsu bayan samun damar hawa Jirgin Keke.

Mutane da yawa a Soshiyal Midiya sun yaba wa basirarsa ta kirkira, wanda har ya iya tunanin fasaha haka ya sauya Keken ta kayatar.

Bidiyon da aka wallafa a ranar 2 ga watan Janairu, 2023 ya karade Shafukan sada zumunta kuma akalla mutane 908 ne suka duba a TikTok kadai.

Kalli bidiyon a nan

Martanin mutane a Soshiyal midiya

@realbrightobour ya ce:

"Kai jama'a abun mamaki ba zai taba karewa ba, hahahha gunin kyau da kayatarwa."

@emmanueladugyamfi61 ya bayyana ra'ayinsa da cewa:

Kara karanta wannan

Miji Ya Manta Da Matarsa A Hanya Bayan Ta Sauka Kama Ruwa

"Ya Kayatar sosai."

@Wonder boy king Charles ya ce:

"Aiki mai kyau na tafe."

@joy boy tambaya ya yi da cewa:

"Shin wannan mota ce ko jirgin sama."

A wani labarin kuma Wata budurwa ta gina wa iyayen katafaren gina na buga wa a jarida, Hotuna sun ja hankalin mutane

Budurwar ta cika mafarkin da take a rayuwa na ganin mahaifanta suna rayuwa a cikin gidan keta tsara, tace ta dade da burin haka.

A cewarta, sun yi mata komai a rayuwa sannan sun yi aiki tukuru tare da sadaukar mata da abubuwa a rayuwa don haka ta gwangwaje su da wannan alkhairin.

Asali: Legit.ng