Jerin Kasashe 64 da Najeriya Ta Shigo da Man Fetur Dinsu Yayin da NNPC Ta Siya Man N1.2trn a Cikin Wata 3

• Wani sabon rahoto ya bayyana cewa, kamfanin man fetur na Najeriy ya kashe sama da N1.2trn wajen shigo da man fetur a watanni uku kacal
• An shigo da wannan man fetur ne daga kasashen waje da suka hada da jamhuriyar Nijar mai makwabtaka da Najeriya
• A ‘yan kwanakin baya da suka wuce, ‘yan Najeriya sun shaida tsada da karancin man fetur a gidajen man kusan dukkan sassan kasar

Hukumar kididdiga ta NBS ta bayyana cewa, Najeriya ta kashe N1.199trn wajen shigo da man fetur a cikin watanni uku na tsakiyar shekarar da ta gabata; 2022 (tsakanin Yuli zuwa Satumba)

NBS ta bayyana hakan ne a cikin kididdigar harkalla da kasashen waje da Najeriya ta yi a kwata na uku na shekarar 2022 da ta kare, kamar yadda Legit.ng ta tattaro a shafin hukumar na yanar gizo.

Kara karanta wannan

An so a ci banza: 'Yan crypto sun sharbi kuka a 2022, an fadi jerin kudaden da suka karye

A cewar rahoton, kudaden da aka kashe wajen shigo da mai tsakanin Yuli da Satumban bara ya kai karin 16.2% idan aka kwatanta da N1.026trn na kudaden da aka siyo irin wadannan kaya a shekarar 2021.

NBS ta kuma bayyana cewa, kudurin kwata na uku na 2022 na shigo da man fetur ya kasance mafi girma a ‘yan shekarun da suka gabata.

A irin wadannan kwata na uku a shekarun 2018, 2019 da 2020, an kashe N883.565bn, N371.8bn da N532.615bn bi da bi na shigo da man fetur.

Yana da matukar muhimmanci a fahimci cewa, kamfanin man fetur na Najeriya (NNPCL) ne kadai ke shigo da man fetur daga wasu kasashen waje a Najeriya.

Kayayyakin da aka fi shigo dasu Najeriya

Gaba dayan kayayyakin waje da Najeriya ta shigo dasu a kwata na uku a 2022 sun kai na jumillar kudade N5.66trn.

Kara karanta wannan

Rigimar PDP: Gwamna Wike Ya Sake Tona Wani Babban Sirrin Atiku

NBS ta bayyana cewa, man fetur ne a kan gaba a jerin kayayyakin da aka shigo dasu Najeriya a cikin wadancan watanni uku, daga shi sai man gas da aka shigo da na N261.595.

Alkama kuwa ta cinye N252.621bn, kuma itace ta uku daga jerin kayayyakin da aka shigo dasu Najeriya watannin uku.

Jerin kasashen da aka shigo da man fetur daga garesu

NBS bata bayyana daga wasu kasashe ne Najeriya ta shigo da man fetur ba, amma wani rahoton WITS ya nuna kasashen da Najeriya ke harkallar man fetur dasu kamar haka:

1. United Arab Emirates
2. Austria
3. Belgium
4. Benin
5. Bulgaria
6. Canada
7. Switzerland
8. Chile
9. China
10. Cote d'Ivoire
11. Germany
12. Denmark
13. Egypt, Arab Rep.
14. Spain
15. Estonia
16. Ethiopia(excludes Eritrea)
17. Finland
18. France
19. Gabon
20. United Kingdom
21. Ghana
22. Guinea
23. Equatorial Guinea
24. Greece
25. Hungary
26. Indonesia
27. India
28. Ireland
29. Iraq
30. Israel
31. Italy
32. Japan
33. Korea, Rep.
34. Kuwait
35. Lebanon
36. Sri Lanka
37. Lithuania
38. Luxembourg
39. Latvia
40. Morocco
41. Mexico
42. Malaysia
43. Niger
44. Nicaragua
45. Netherlands
46. Norway
47. Other Asia, nes
48. Pakistan
49. Poland
50. Korea, Dem. Rep.
51. Portugal
52. Romania
53. Russian Federation
54. Saudi Arabia
55. Singapore
56. Sweden
57. Eswatini
58. Togo
59. Thailand
60. Tunisia
61. Turkey
62. United States
63. Vietnam
64. South Africa

Kara karanta wannan

Shekarar 2022 Ta Zama Shekarar Zulumi Da Fargaba, Akalla Mutum 8,000 Ne Suka Rasa Ransu a Shekarar

A kullum gwamnatin Najeriya na bayyana yunkurin dakile wahalar mam fetur a kasar, amma abin bai kai wa ga nasara.

Asali: Legit.ng