"Kwana 3 Kenan Ban Yi Wanka Ba": Bidiyon Wata Soja Da Batayi Wanka Ba Tsawon Kwana 3 Ya Yaɗu a Intanet

• Wata Soja ta ce ba ta yi wanka ba tsawon kwanaki uku cikin wani bidiyo na ta da ya yaɗu a kafar yaɗa bidiyo wato TikTok
• Sojar mai suna Miracle Guzeh, ta ɗora bidiyon da ke nuna ta a cikin motar sojoji da ke nuni da cewa tana bakin aiki ne
• Da yawa daga masu amfani da TikTok, waɗanda wasu daga cikinsu sojoji ne 'yan uwanta, sun tofa albarkacin bakunansu kan bidiyon na Miracle, inda wasu suka ce sukan yi wata guda ba tare da wanka ba ma

Watan kyakkyawar soja ta ɗora wani bidiyo a shafinta na TikTok, wanda a ciki ta bayyana cewa ba ta yi wanka ba na tsawon kwanaki uku.

Sojar, mai suna Miracle Guzeh a kafar ta TikTok, ta ɗora gajeren faifan bidiyo wanda ta yi rubutu a jikinsa dake bayyanawa mabiyanta cewa ba ta yi wanka ba cikin sa'o'i 72 da suka wuce.

Kara karanta wannan

"Ba Ta Tsufa": Bidiyon Matashi Da Malamar Da Ta Koyar Da Shi a Firamare Shekara 15 Da Suka Wuce Ya Dauki Hankula

Sojar ta ɗora bidiyon tana bakin aiki

A cikin bidiyon, an ga Miracle sanye da kakin soji kuma cikin wata mota ta sojoji, wanda hakan ke nuni da cewa tana cikin aiki ne.

Fuskarta fes, kuma cike da fara'a ta yanda ba dole wani ya iya gane cewa ba ma ta yi wanka ba, muddun dai ba ita ta faɗa ba.

Duk da dai ba ta nuna alamar ta wani damuwa ba, amma kamar yadda ta nuna a bidiyon, lallai tana son ace ta yi wankan.

Ta ɗora bidiyon a shafinta na TikTok, ɗauke da rubutu: "Kwanaki uku ba tare da wanka ba."

Wasu daga cikin mabiyan Miracle da suka ga bidiyon, sun yi mamaki sosai kan irin halin da sojoji ke shiga a wajen aiki.

Ga dai bidiyon na ta a kasa:

Kara karanta wannan

"Ta Kwashe 'Ya'yana Ta Tafi Da Su": Magidanci Ya Koka Bayan Matarsa Da Suka Dade Ta Rabu Da Shi

Sharhin da 'yan TikTok suka yi kan bayanin sojar da ba ta yi wanka tsawon kwana 3 ba

Wasu daga cikin mabiyan Miracle waɗanda sojoji ne sun bayyana cewa sukan ɗauki har tsawon wata guda ba tare da yin wanka ba.

Wasu kuma sun yi mata fatan alheri a wannan aikin na ta, tare da yi mata addu’ar Allah ya tsare ta.

@Street SOLDIER ya ce:

"Kwana 3 kacal? Ni da nake gida sati 2 kenan yanzu ban ba."

@F.K.M. ya ce:

"Kwanaki 3? Ina ta tunanin ko me yasa wayata ta fara wari."

@Junior ya yi sharhi:

"Na tuno kwanakin nan, sai ka ji mutane na tsami kamar bainega (Vinegar)."

@thomaswanjala693 ya ce:

"Wani lokaci mukan yi wata ɗaya."

Wata kyakkyawar budurwa ta nuna yadda ta sauya bayan shiga soja

Wani labari da Legit.ng ta kawo muku a baya, kun ga yadda wata kyakkyawar budurwa da sauya kamannin bayan shiga aikin soja da ta yi.

Kara karanta wannan

Matashiya Ta Bayyana Yadda Aurensu Da Tsohon Mijinta Ya Mutu Cikin Watanni 7 Kacal

Ta ɗora bidiyon da ke nuna yadda ta sauya ne a shafinta na TikTok, inda mabiyanta da dama suka tafka muhawara.

Asali: Legit.ng