An Yankewa Budurwa Daurin Shekaru 2 a Gidan Yari Bisa Zargin Wallafa Hoto Babu Dankwali

• Wata budurwa ta fuskanci daurin shekaru biyu a gidan gyaran hali bayan wallafa hotonta babu dankwali a kasar Iran
• Budurwar mai suna Zeinab Khenyab wacce ke da shagon siyar da kayayyaki ta jawo kace-nace kan abin da ta aikata
• A dokar kasar an bayyana cewa dole ko wace mace daga kasar ko ketare Musulma ko sabanin haka ta saka dankwali a ko wane lokaci

Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.

Tehran, Iran – Wata budurwa ta shiga matsala bayan an yanke mata hukuncin shekaru biyu a gidan yari kan zargin wallafa hoto babu dankwali.

Budurwar mai suna Zeinab Khenyab wacce ke da shagon siyar da kayayyaki ta jawo kace-nace kan abin da ta aikata, cewar Punch.

Kara karanta wannan

"Kada ka jira har sai sun fara jefe ka": Fitaccen malamin addini ya yi gagarumin gargadi ga Tinubu

Wane hukunci aka yanke wa budurwar?

A watan Disamba har ila yau, an daure ta watanni uku kan zargin yada farfaganda kan kasar ta Iran.

Matar wacce ta fito daga yankin Kudu maso Yammacin kasar ta dauki hankulan mutane bayan hukumomi sun rufe shagonta.

Idan ba a mantaba a watan Satumbar 2022, mutuwar wata budurwa Jina Amini ya jawo zanga-zangar da ba a taba ganin irin ta ba a tarihin kasar.

A dokar kasar Iran tun 1979 ta bayyana cewa dole ko wace mace daga kasar ko ketare Musulma ko sabanin haka ta saka dankwali a ko wane lokaci.

Mene dokar Iran ke cewa kan mata?

Duk wata mace da aka gani babu dankwali ko hijabi a cikin jama’a za ta fuskanci daurin mafi karanci watanni biyu a gidan kaso, cewar Radio Liberty.

Kara karanta wannan

Allahu Akbar: Mutum uku da aka sace sun mutu a kokarin gudowa daga hannun yan bindiga

Har ila yau, bayan daurin za ta iya fuskantar biyan kudin tara har dala 25 wanda hakan zai rage yawan aikata laifin a fadin kasar.

Akalla mata 30 aka kama a kasar tun a watan Disambar da ta gabata kan zargin cire dankwali a cikin jama’a.

Aikata hakan babban laifi ne a kasar Iran wanda ta aikata za ta fuskanci mummunan hukunci, cewar PM News.

Faransa ta haramta sanya hijabi

A wani labarin, Kasar Faransa ta amince da dokar hana dalibai mata Musulmai sanya hijabi a makarantu.

Wannan na zuwa ne yayin da kasar ke kokarin rarrabe maganar addini da ilimi ko harkokin rayuwa.

Asali: Legit.ng