Allahu Akbar: Yawan Mabiya Addinin Islama Ya Karu a Kasar Ingila

• Jama'ar Ingila na ci gaba da karbar addinin Islama, kaso da yawa ya karu cikin kasa da shekaru 10 da suka gabata
• Rahoton da muka samo ya bayyana adadin kason da ya karu cikin shekaru 10, kamar yadda kididdigar 2021 ta nuna
• Addinin Islama na ci gaba da karbuwa a duniya, kullum karin kaso ake samu mai tsoka a bangarori daban-daban na duniya

Landan - Al'ummar Musulmi ta samu karuwa yayin da wata kididdiga ta bayyana irin kasuwar da adadin Musulmai ya yi matukar karuwa a kasar Ingila.

Kididdigar ta 2021 ta bayyana cewa, Musulmai sun karu daga kaso 4.9% zuwa 6.5% a shekarar da ta gabata.

Wannan na fitowa ne daga rahoton kidayar da aka yi ta hanyar tambayar mazauna kasar addini, asali da kuma addinin da suke bi.

Kara karanta wannan

Gwamnan Babban Jihar Arewa Ya Faɗa Wa Ƴan Najeriya Wanda Ya Cancanta Su Zaɓa Shugaban Kasa A 2023

A cewar ofishin kidayar, kasar na gudanar da irin wannan kididdiga ne duk bayan shekaru 10, rahoton BBC Hausa.

Yadda kididdigar ta kasance

Wannan lamari ya zo da kafa tarihi, domin kuwa a wannan karon addinin kirista ya samu raguwa sosai a turai, musamman a Ingila da Wales.

Rahoton kididdigar ya bayyana cewa, a yanzu dai addinin kirista ya yi kasa daga kaso 59.3% a 2011 zuwa kaso 46.2% na shekarar da ta gabata.

A bangare guda, mulhidai, ko kuma wadanda ke cewa babu ruwansu da addini sun karu zuwa kaso 37.2% na al'mmmar yankin.

Hakazalika, kididdigar ta nuna akwai mabiya addinan Hindu, Sikh Budda da kuma Yahudawa, kamar yadda jaridar The Guardian ta ruwaito.

A bangaren al'adu kuma, Burtaniya na da dandazon mutanen Asia da sauran nahiyoyin duniya da ke rayuwa a kasar, kuma sun samu shaidar tabbacin zama da kuma cikakkun 'yan kasa.

Kara karanta wannan

Daga Twitter: Matashi ya jefa kansa a matsala, ya shiga hannu bayan zagin Aisha Buhari

Ba na sallah, bana zuwa coci, bana bautar gungu, inji farfesa a Najeriya

A Najeriya kuwa, wani farfesa Wole Soyinka ya bayyana matsayinsa game da addini da kuma bautar ubangiji a rayuwarsa.

Wole Soyinka ya bayyana cewa, bai damu da bin addini ba ko kadan saboda wasu dalilai da ya bayyana a wurin wani taro.

Soyinka dai sananne ne a duniya a harkar rubuce-rubuce, kuma ya kasance abin tunawa a duniyar adabin Turanci.

Asali: Legit.ng