'Yan bindiga 7 sun ajiye makamai sun mika wuya da kansu a Zamfara (Hotuna)

- A karkashin shirin samar da zaman lafiya, yan bindiga 7 sun tuba sun mika makamai a Zamfara

- Gwamnan jihar Zamfara Bello Matawalle ne ya karbi yan bindigar a gidan gwamnati a Gusau

- Sarakuna da wakilai daga hukumomin tsaro suma sun hallarci taron na mika makaman a Gusau

Wasu yan bindiga su bakwai sun rungumi zaman lafiya sun ajiye makamai sun mika wuya a jihar Zammfara.

Gwamnan jihar Bello Matawalle ne ya karbe su a gidan gwamnati da ke Gusau kamar yadda TVC ta ruwaito.

Tubabbin yan bindigan sun mika makamansu da suka hada da bindigu kirar AK 47, alburusai da harsasai fiye da dubu daya.

Wasu daga cikin sarakuna a jihar ta Zamfara sun hallarci taron na mika makaman da rungumar zaman lafiya.

Kazalika, wakilan hukumomin tsaro da suka hada da rundunar sojoji da wasu hukumomin sun hallarci taron.

Asali: Legit.ng