Allahu Akbar: Labarin wani gurgu da ya samu mukami a ofishin Shugaban Majalisa

Kakakin majalisar wakilai, Mista Femi Gbajabiamila ya nada Abdulsalam Idowu Kamaldeen a matsayin sabon mai bashi shawara na musamman akan bukatu na musamman.

Abdulsalam Idowu Kamaldeen mai shekara 49, ya samu nakasa a lokacin da ya cika shekara uku a duniya sakamakon cutar shan inna.

Abdulsalam ya fara karatun firamare yana da shekara takwas a shekarar 1978 a Erin-Ile, jihar Kwara. A wannan shekarar ne kuma ya fara bara a kan titi saboda rashin kudi. Daga nan sai ya kammala karatun firamare a 1993 sannan ya tai Lagas, inda anan yake bara tare da samun tallai yayinda yake kwana a gargashin gadar Dosunmu.

Bayan kammala karatun sakandare, sai ya fara zuwa darasin yamma. Ya samu gurbin shiga jami’a don karantar kimiyar siyama a UNILAG a 2006 sannan ya kammala karatu a 2010. A kokarinsa na son zama lauya sai ya rubuta jarrabawar JAMB sannan ya samu shiga jami’ar Lagas domin karantar karatun lauya a 2010. Ya kammala a 2015.

Daga nan Abdulsalam ya tafi makarantar lauyoyi na Najeriya, inda ya lashe dukkanin takardunsa a zama na farko sannan ya zama cikakken lauya a 2016.

KU KARANTA KUMA: Babban magana: Ana shirin haramta sana’ar adaidaita sahu a Kano

Kakakin majalisar dattawa, Femi Gbajabiamila a lokacin da yake a matsayin Shugaban masu rinjaye a majalisar wakilai, ya gano Abdulsalam Kamaldeen sannan ya gayyace shi zuwa zauren majalisa a 2017 domin majalisa ta yi masa karramawa na musamman.

Kamaldeen ya fito ne daga jihar Kwara.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Domin sauke manhajar labaran Legit.ng a wayar ku ta hannu, latsa wannan rubutu na kasa: https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari, Tuntube mu a: labaranhausa@corp.legit.ng

Asali: Legit.ng