Allahu Akbar: Gwamnan Arewa Ya Ayyana Hutun Kwana 1 a Jiharsa, Ya Kawo Dalili Mai Ƙarfi

Allahu Akbar: Gwamnan Arewa Ya Ayyana Hutun Kwana 1 a Jiharsa, Ya Kawo Dalili Mai Ƙarfi

  • Gwamna Mala Buni ya ayyana hutun kwana ɗaya domin girmama marigayi tsohon gwamnan Yobe, Bukar Abba Ibrahim
  • A wata sanarwa da kakakin gwamnan ya fitar, ya ce al'ummar jihar za su yi amfani da ranar domin yi wa marigayin addu'ar uku
  • Buni da iyalan marigayin suna zaman makoki da karɓan gaisuwa a gidan gwamnati da ke Damaturu

Ahmad Yusuf, kwararren edita ne a Legit Hausa da ya shafe tsawon shekaru yana kawo muku rahotannin siyasa, nishadi da al'amuran yau da kullum

Jihar Yobe - Gwamnan jihar Yobe, Mai Mala Buni, ya ayyana ranar Laraba 7 ga watan Fabrairu, 2024, a matsayin ranar hutu domin karrama tsohon gwamnan jihar, Sanata Bukar Abba Ibrahim.

Jaridar The Nation ta tattaro cewa gwamnan ya ba da hutun kwana ɗaya ne a wata sanarwa da mai magana da yawun gwamnan Yobe, Mamman Mohammed, ya fitar.

Kara karanta wannan

Gwamnan APC ya tono tushen matsalar ƴan bindiga a Arewa, ya jero hanyoyin magance su

Gwamnan jihar Yobe, Mai Mala Buni.
Gwamna Buni Ya Bada Hutun Kwana Ɗaya Domin Jimamin Mutuwar Tsohon Gwamnan Yobe Hoto: @KawuGarba
Asali: Twitter

Haka nan mutanen Yobe za su kuma yi amfani da wannan rana da babu aiki wajen yin addu'ar uku ga marigayi tsohon gwamnan jihar, Bukar Abba Ibrahim.

LURA: Shin kana son bamu labari da tattaunawa da marubutanmu? Tuntubemu a info@corp.legit.ng

Gwamna Buni ya bukaci ‘yan jihar Yobe da su yi amfani da ranar domin yin addu’o’in girmama tsohon shugaban su da Allah ya yi wa rasuwa a kasar Saudiyya.

Idan baku manta ba, Legit Hausa ta kawo muku rahoton cewa tsohon gwamnan jihar Yobe ya rasu ranar Lahadi, 4 ga watan Fabrairu, 2024 a ƙasa mai tsarki.

Za a yi addu'ar uku a gidan gwamnatin jihar Yobe

Sanarwar ta ƙara da bayanin cewa za a gudanar da addu'ar uku ne a masallacin gidan gwamnati da ke Damaturu, babban birnin jihar Yobe a Arewa maso Gabas.

Bayanai sun nuna cewa tun bayan rasuwar tsohon gwamnan, mutane daga ciki da wajen jihar ke zuwa ta'aziyya a gidan gwamnatin, Daily Post ta ruwaito.

Kara karanta wannan

Bidiyon yadda aka binne marigayi tsohon gwamnan Arewa bayan jana'izarsa a masallacin Harami

Gwamna Buni tare da jami’an gwamnati da iyalan marigayin, sun yi ta amsar gaisuwa da ta'aziyyar jama’a a gidan gwamnati da ke Damaturu.

Sanata Bukar Abba Ibrahim, bayan doguwar jinya ya rasu a kasar Saudiyya a ranar Lahadin da ta gabata, inda kuma aka binne shi washe gari.

Gwamnatin Kebbi ta kulle makarantun kuɗi 2

A wani rahoton na daban Wasu manyan makarantun gaba da sakandire na kuɗi sun shiga matsala a jihar Kebbi bisa rashin biyan haƙƙin gwamnati.

Gwamnatin Kebbi karkashin Gwamna Nasir Idris ta sanar da kulle makarantun guda biyu har sai sun biya kuɗaɗen da ake binsu.

Asali: Legit.ng

Authors:
Ahmad Yusuf avatar

Ahmad Yusuf (Hausa editor) Ahmad Yusuf ma'aikacin jaridar Legit.ng sashin Hausa ya fara aiki a 2021, ya kware wajen kawo labarai da rahotanni da suka shafi siyasa da al'amuran yau da kullum. Matashin ɗan jaridar ya koyi Lissafi a digirinsa na farko a Jami'ar Kimiyya da Fasaha da ke Wudil, Kano (KUST) ya kuma samu shaidar kwarewa a fannin aikin jaridar zamani daga Reuters a 2022. Kafin fara aiki da Legit Ahmad ya yi aiki da jaridu da dama na turanci da Hausa tun 2012. Mail: ahmad.yusuf@corp.legit.ng 07032379262

Online view pixel