Kotun Daukaka Kara Ta Yi Hukunci a Shari'ar Kakakin Majalisa a Kaduna, Ta Umarci Sake Zabe

• Kitun daukaka kara ta sake rusa zaben kakakin Majalisar jihar Kaduna wanda ya kasance dan jam'iyyar APC
• Kotun, har ila yau, ta tabbatar da nasarar dan takarar jam'iyyar PDP, Solomon Nuhu a matsayin wanda ya lashe zaben a mazabar Makera
• Kotun ta umarci sake zabe a wasu mazabu biyar da ke mazabar Makera a cikin jihar saboda samun matsaloli a zaben

Abdullahi Abubakar, kwararren editan siyasa, kasuwanci da al'amuran yau da kullum ne, ya na da gogewar aikin jarida sama da shekaru uku.

Jihar Kaduna - Kotun daukaka kara ta yi hukunci kan shari'ar zaben kakakin Majalisar jihar Kaduna.

Kotun ta kwace kujerar kakakin Majalisar Yusuf Dahiru Liman na jam'iyyar APC inda ta umarci sake zabe a mazabu biyar, cewar Tribune.

Wane hukunci kotun ta yanke?

Kara karanta wannan

APC ta mamaye Majalisar jihar PDP bayan kotu ta kwace dukkan kujeru 16, an shiga yanayi

Dan takarar jam'iyyar PDP a zaben, Solomon Nuhu ya kalubalanci zaben Liman da ke wakiltar mazabar Makera a jihar.

Nuhu ya ce akwai kura-kurai da aka tafka yayin zaben inda ya tabbatar da cewa shi ya lashe zaben da aka gudanar a watan Maris.

A zaben da aka gudanar, Liman na jam'iyyar APC ya samu kuri'u 17,740 yayin da takwaransa na jam'iyyar PDP, Nuhu ya samu kuri'u 17,088.

Wasu mazabu za a sake zabe?

Yayin yanke hukuncin, Mai Shari'a, O. Adejumo a ranar Juma'a 24 ga watan Nuwamba ta kori karar da dan jam'iyyar APC ya shigar.

Kotun ta umarci sake zabe a wasu mazabu da su ka hada da Unguwar Barnawa mazaba ta 005 da 009 sai Kakuri a mazabar 006.

Sauran sun hada da Unguwar Television a mazaba ta 002 sai kuma Kakauri Hausa a mazaba 045, cewar Channels TV

Kara karanta wannan

Kotun daukaka kara ta bayyana ainahin wanda ya lashe zaben gwamnan Kebbi

Kotu ta yi hukunci a shari'ar gwamnan Kaduna

A wani labarin, kotun daukaka kara ta yi hukunci kan shari'ar zaben gwamnan jihar Kaduna da aka gudanar a watan Maris.

Kotun ta tabbatar da nasarar Gwamna Uba Sani na jam'iyyar APC a matsayin wanda ya lashe zaben gwamnan jihar.

Har ila yau, ta yi watsi da korafin dan takarar jam'iyyar PDP, Isa Ashiru Kudan saboda rashin gamsassun hujjoji.

Asali: Legit.ng