Babban taro: Jerin sunayen ‘yan takara 27 da PDP ta tantance domin zaben kwamitin gudanarwa na kasa
- PDP ta tantance tsohon shugaban majalisar dattawa, Iyorchia Ayu, tsohon gwamnan jihar Osun, Olagunsoye Oyinlola don takarar zaben kwamitin NWC
- Hakazalika jam’iyyar adawar ta tantance tsohuwar ministar harkokin mata, Maryam Ciroma, tsohon gwamnan Oyo, Taofeek Arapaja da wasu sanatoci biyu
- Gaba daya dai jimlar mutane 27 PDP ta tantance domin neman mukaman shugabancin jam’iyyar gabannin babban taronta
Abuja - Gabannin babban taronta na kasa wanda za a gudanar a ranar 30 ga watan Oktoba, jam’iyyar Peoples Democratic Party (PDP) ta tantance wasu mutane 27 domin yin takara a zaben kwamitin gudanarwa na kasa na jam'iyyar, Premium Times ta rahoto.
A ranar Laraba ne kwamitin shiyya na jam’iyyar ta tantance ‘yan takarar su 27.
Wannan na kunshe ne a cikin rahoton da kwamitin tantancewar ta gabatarwa kwamitin babban taron jam’iyyar karkashin jagorancin Gwamna Ahmadu Fintiri a ranar Alhamis.
Asali: UGC
Tsohon Atoni Janar na tarayya kuma ministan shari’a, Mohammed Adoke ne ke jagorantar kwamitin inda tsohon mataimakin kakakin majalisar wakilai, Austin Opara, ke matsayin mataimakinsa.
A rahoton kwamitin, wanda aka kaddamar a ranar 23 ga watan Satumba, ya ce ya tantance ‘yan takara 32 inda biyu suka janye daga tseren, sannan kuma ta tantance mutum 27. Ta kuma ce ta ki tantance wasu ‘yan takara hudu.
Ga jerin sunayen yan takara 27 da kwamitin ya tantance:
1. Sanata Dr. Iyorchia Ayu
2. Amb. Umar Iliya Damagum
3. Hajiya Inna Maryam Ciroma
4. H.E. Amb Taofeek Arapaja
5. Prince Olagunsoye Oyinlola
6. Sen. Samuel Nnaemeka Anyanwu
7. Hon. Ahmed Yayari Mohammed
8. Hon. Umar Bature
9. Daniel Woyegikuro
10. Prof. Stella Effah-Attoe
11. Hon. Divine Amina Arong
12. Muhammed Kakade Suleiman
13. Usman Elkudan
14. Kamaldeen Adeyemi Ajibade, SAN
15. Hon. Debo Ologunagba
16. Okechukwu Obiechina Daniel
17. Ikechukwu Samben Nwosu
18. Hon. Mrs. Chibuogwu Benson- Oraelosi
19. Hon. Arch. Setoji Kosheodo
20. Engr. Adedeji Doherty Engr. Adedeji Doherty
21. Ndubisi Eneh David
22. Alhaji Ibrahim Abdullahi
23. Sen. Chief Ighoyota
24. Hon. Adamu O. U. Kamale
25. Hajara Yakubu Wanka
26. Timothy Osadolor
27. Barr. Okechukwu Osuoha
Rikicin PDP na kara kamari yayin da ta hana wasu fitattun mambobi 3 tsayawa takara
A baya mun kawo cewa, kwamitin tantancewa na jam'iyyar PDP ya hana 'yan takara uku tsayawa takarar mukamai a kwamitin ayyuka na kasa na jam'iyyar.
Wadanda ba su cancanta ba da mukaman inji PDP sun hada da: Farfesa Wale Oladipo (Osun) wanda ya nuna sha’awarsa ga mukamin Mataimakin Shugaban Jam’iyya na Kudu.
Hakazalika da Okey Muo-Aroh (Anambra) wanda ya nuna sha’awar matsayin Sakataren Kasa Dakta Olafeso Eddy (Ondo) Sakataren Yada Labarai na Kasa na jam'iyyar.
Asali: Legit.ng
