Ana cikin Fargaba, Ɗan Abubakar Shekau Ya Shiga Sahun Mayakan Boko Haram

• Ibn Mohammed bin Shakau, ɗan marigayi shugaban Boko Haram, Abubakar Shekau, an ce ya shiga sahun ƙungiyar masu tayar da ƙayar baya
• Rahotanni sun ce Ibn Mohammed yana bin sawun mahaifinsa, wanda ya jagoranci Boko Haram tda aiwatar da munanan hare-hare a Arewa maso Gabas
• Fitowarsa na sake haifar da fargabar cewa akidar Shekau da hanyoyin sadarwar da ya gada na iya ci gaba da tasiri cikin Boko Haram.

Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru biyar.

Maiduguri, Borno - Wasu rahotanni sun bayyana cewa ana fargabar wani daga cikin ƴaƴan marigayi shugaban Boko Haram ya shiga kungiyar.

An ce Ibn Mohammed bin Shakau, ɗan marigayi Abubakar Shekau, ya bayyana a cikin sahun mayakan ƙungiyar Boko Haram.

Rahotanni daga Zagazola Makama sun ce Ibn Mohammed yana ɗaukar matakai na shiga cikin ƙungiyar masu tayar da ƙayar baya.

Kara karanta wannan

Hatsabibin ɗan bindiga, Aleiro ya rasa ɗansa, ƴan uwa 8 yayin arangama a Katsina

Majiyoyi sun ce yaron yana bin tafarkin mahaifinsa, wanda ya kasance ɗaya daga cikin fitattun shugabannin tayar da ƙayar baya a Arewa maso Gabas.

Abubakar Shekau ya zama shugaban Boko Haram bayan rasuwar wanda ya kafa ƙungiyar, Mohammed Yusuf, kuma ya jagoranci ƙungiyar a wasu daga cikin lokutan da aka fi samun munanan hare-haren Boko Haram.

A ƙarƙashin jagorancinsa, Boko Haram ta kai hare-hare kan al’ummomi, jami’an tsaro, hukumomin gwamnati da sauran wuraren fararen hula a faɗin Arewa maso Gabas da ƙasashen da ke makwabtaka da Najeriya.

An kuma san Shekau da salon shugabanci mai tsauri, da kuma amfani da bidiyon farfaganda wajen yi wa gwamnatoci barazana da sanar da hare-haren ƙungiyar.

Yadda mutuwar Shekau ya sauya Boko Haram

Mutuwar Shekau a shekarar 2021, bayan wata arangama da mayakan Islamic State West Africa Province, ISWAP, ta sauya yanayin rikicin Boko Haram a yankin Tafkin Chadi.

Yanzu rahotannin bayyanar Ibn Mohammed cikin sahun Boko Haram sun sake haifar da damuwa game da yiwuwar ci gaba da akida da hanyoyin sadarwar da mahaifinsa ya bari.

Kara karanta wannan

Bayan haduwa da Tinubu, Sheikh Ibrahim Dahiru Bauchi ya gana da Wike

Wannan lamari na iya ƙara sanya ido kan yadda ƙungiyar Boko Haram ke sake tsara kanta da kuma yiwuwar bullar sababbin shugabanni daga cikin iyalan tsofaffin shugabanninta.

Hakan ya fara sanya shakku game da yadda kungiyar ke sauya salo musamman a yanzu da ake ganin dansa ya shiga kungiyar wanda zai iya gadon halayensa masu tsauri.

Wannan lamari na iya ƙara sanya ido kan yadda ƙungiyar Boko Haram ke sake tsara kanta da kuma yiwuwar bullar sababbin shugabanni daga cikin iyalan tsofaffin shugabanninta.

Dan bindiga, Aleiro ya rasa ɗansa, yan uwansa

Mun ba ku labarin cewa hatsabibin dan bindiga, Ado Aleiro ya gamu da cikas yayin da aka yi arangama da miyagu a jihar Katsina.

Aliero ya rasa ɗansa da wasu ’yan uwansa takwas, yayin da aka lalata babura kusan 30 na ƙungiyarsa a wani artabu a Katsina da ke fama da hare-haren ƴan bindiga.

Rahotannin leƙen asiri sun ce asarar ta raunana bangaren Aleiro, tare da rage masa damar zirga-zirga, sadarwa da sauran ayyuka da ke kara tashin tsaro.

Asali: Legit.ng