Ramadan: Hanyoyi 8 da Musulmi Zai Kasance cikin Koshin Lafiya a Watan Azumi

Ana sa ran za a fara azumin watan Ramadan a Najeriya ranar Juma'a ko Asabar mai zuwa bisa ganin jinjirin wata wanda ke alamta farkon watan Ramadan.

Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru biyar.

Hukumar NSCIA ce ke sanar da fara azumin Ramadan bayan tattara rahotannin ganin wata daga kwamitoci daban-daban a fadin Najeriya.

Ramadan: Hanyoyin da Musulmi zai kare lafiyarsa

Musulmi suna azumi daga ketowar alfijir zuwa faduwar rana, inda suke mayar da hankali ga sallah, kyauta da tunani mai zurfi da ayyukan alheri, cewar Punch.

Akwai wasu hanyoyi da Musulmi mai azumi zai kasance cikin koshin musamman wurin bin ka'idojin cin abinci da sauran ayyuka.

Domin samun koshin lafiya, yana da muhimmanci a kula da lafiyar jiki da cin abinci mai gina jiki yayin Ramadan.

Legiti Hausa ta jero muku muhimman hanyoyi takwas da mai azumi zai kasance cikin koshin lafiya a watan Ramadan.

Kara karanta wannan

Za a kafa babban kamfanin siminti a Arewa, mutane 45,000 za su samu aiki

1. Shan ruwa yadda ya kamata

Masana sun yi bayani cewa shan ruwa sosai ga mai azumi yana kara lafiya da kuma dakile rashinsa a jikin dan Adam, ya kamata mai azumi ya bi tsarin 2-4-2:

Daga cikin tsarin akwai shan ruwa kofuna biyu a lokacin Suhur da kuma hudu tsakanin shan ruwa da barci, Money Control ta ruwaito.

Ana kuma bukatar mai azumi ya sha ruwa kofuna biyu kafin kwanciya don rage rashin ruwa a jiki, sai dai kuma ana bukatar mutum ya guji shan shayi domin yana sa yawan fitsari.

2. Cin abinci mai gina jiki a Suhur

Yin Suhur yana ba da kuzari don tunkarar yini na azumi, ana bukatar cin abinci mai kara karfin jiki kamar shinkafa, alkama da gero.

Sai kuma abinci mai gina jiki kamar madara, kwai da nama da masu ruwa kamar kankana da sauran kayan marmari, cewar Hukumar Lafiya ta Duniya (WHO).

Kara karanta wannan

Sheikh Jabir Maihula: Abubuwa 5 da ake tunanin suna karya azumi alhali ba su karyawa

3. Bude baki da abinci mai kyau

Bude baki a watan Ramadan yadda ya dace yana dawo da kuzari, ya kamata mai azumi ya bi wasu matakai kamar farawa da dabino da ruwa.

Sai kuma cin abinci mai dumi daban-daban da cin nama, kifi ko kayan lambu don samun sinadarai masu amfani.

4. Motsa jini domin lafiyar jiki

Ana bukatar tsara motsa jiki don gujewa gajiya, ana son kafin Suhur a yi yar tafiya ko yawo kadan sannan kafin buda baki a yi tafiya ko ayyuka masu sauki.

Har ila yau, bayan buda baki ana motsa jiki matsakaici saboda lokacin wunin azumi ana bukatar hutu daga Musulmi idan ba aiki ya zama dole ba.

5. Isasshen barci ga mai azumi

Saboda canjin jadawalin barci a watan Ramadan, yana da muhimmanci a rika samun hutawa kamar sa'o'i 6 zuwa 8 na barci.

Ana bukatar idan akwai lokaci a yi barci na minti 20-30 idan da hali sannan a guji yawan amfani da waya kafin a kwanta.

Kara karanta wannan

Mayakan ISWAP sun kai hari Borno, sun yi barna kafin isowar sojoji

6. Rage damuwa da kula da lafiyar kwakwalwa

Yawan damuwa na iya shafar lafiya, don haka yana da kyau a rika tunani mai zurfi da addu’o'i domin samun natsuwa.

Yawan zama ko hira tare da dangi da abokai yana rage yawan damuwa da kuma rage aiki maras muhimmanci.

7. Kaucewa cin abinci fiye da kima

Yawan cin abinci yana jawo kumburin ciki da kasala da kawo matsala ga rayuwar dan Adam musamman mai azumi.

Cin abinci a hankali yana taimakawa wurin narkewa ba tare da wani wahala ba sabanin idan ana ci babu lissafi.

Bin ka’idar 80/20, watau cin abinci 80% kawai don kaucewa cikewar ciki gaba daya ba tare da barin wurin ruwa da iska ba.

8. Kula da lafiyar ciki

Azumi yana iya haddasa kumburin ciki da rashin narkewar abinci a kan lokaci saboda dadewa da aka yi babu abinci a ciki.

Ana bukatar cin abinci mai yalwar 'fiber' da shan shayi mai citta ko na minti don saukaka narkewa.

Kara karanta wannan

Majalisar shari'ar Musulunci ta goyi bayan rufe makarantu, ta kirayi jihohi 3 su bi sahu

Sai kuma kaucewa shan giya wanda ya haramta a Musulunci da motsa jiki bayan buda baki don taimakawa narkewar abinci.

Legit Hausa ta tattauna da Lakcara a Gombe

Hajiya Zainab wacce take koyarwa a Jami'ar jihar Gombe ta fadi irin abincin da ya kamata mai azumi ya fi ba fifiko.

Har ila yau, malamar da ke tsangayar kimiyyar halittu ta ce akwai kalan abinci da ya kamata a guje musu.

Malamar ta ce:

"A cikin nauyin abinci da ya kamata a rika ci akwai ganye da ƴaƴan itatuwa sosai.

"Sannan dole mai azumi ya rage yawan shan sukari da kalan abinci masu sanadaran karin karfi da yawa."

Malami ya ba Musulmi shawara a Ramadan

Kun ji cewa yayin da ake shirye-shiryen fara azumin watan Ramadan na shekarar 2025, Sheikh Al-Juzuri ya fadi abubuwan da ya kamata Musulmai su yi.

Malamin ya jero muhimman hanyoyi da ya kamata al'ummar Musulmi su mayar da hankali a kansu domin samun dacewa.

Muhammad Malumfashi, babban edita a sashen Hausa na Legit ya duba labarin.

Asali: Legit.ng