Hajjin 2023: Hukumar Alhazai Za Ta Mayarwa Mahajjata 1,571 Miliyoyin Naira a Jigawa
- Watanni bakwai bayan kammala aikin hajji, Hukumar alhazai ta shirya mayarwa wasu mahajjata kudinsu
- Hukumar a jihar Jigawa ta ware N95m domin ba wasu mahajjata 1,571 saboda rashin cika musu wasu daga cikin hakkokinsu
- Shugaban hukumar a Jigawa, Ahmad Labbo ya ce kowane mahajjaci daga cikinsu zai samu N61,080 na aikin hajjin 2023 da aka yi
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.
Jihar Jigawa - Hukumar Alhazai a jihar Jigawa za ta mayar da makudan kudi ga mahajjata da suka gudanar da aikin hajji.
Hukumar ta dauki matakin mayarwa mahajjata 1,572 kudi har N95m kan abubuwan da ba a cika musu ka'ida ba yayin aikin hajjin 2023.
Asali: Facebook
Mahajjata 1,571 za su caba a jihar Jigawa
Shugaban hukumar alhazai a jihar, Ahmad Labbo shi ya tabbatar da haka a yau Alhamis 28 ga watan Nuwambar 2024, cewar Premium Times.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Labbo ya bayyana haka a birnin Dutse inda ya ce sun dauki matakin saboda wasu hakkoki da mahajjatan ba su samu ba a hajjin shekarar 2023.
Shugaban hukumar ya ce kowane mahajjaci daga cikin 1,571 zai samu N61,080 wanda jimillar kudin ya kai N95.1m.
Yawan kudin da hukumar ta ware ga mahajjata
"Yawan kuɗin da za a mayar na mahajjatan 2023 ne da ya kai N95m ga mahajjata 1,571 a jihar Jigawa."
"Idan aka raba tsakanin mahajjata 1,571 kowane mahajjaci zai samu N61,080 kenan a jihar."
- Ahmad Labbo
Labbo ya ce jami'ansu daga ofisoshin yanki sun bukaci mahajjatan da abin ya shafa su kawo asusun bankunansi domin biyansu hakkokinsu.
Shugaban hukumar alhazai ya je Majalisar Tarayya
Kun ji cewa Kwamitin majalisar wakilai ya zargi hukumar alhazai ta kasa (NAHCON) da tafka badakaloli iri iri a harkar gudanar da aikin hajji.
Shugaban kwamitin da aka kafa ya binciki hukumar, Sada Soli ya yi zargin a lokacin da shugaban hukumar ya bayyana a gabansu.
Shugaban NAHCON, Farfesa Abdullahi Saleh Usman ya tabbatar da zargin majalisar na cewa ana tafka badakala a hukumarsa.
Asali: Legit.ng
