Katsina: Bayan Kisan Sabubu, an Hallaka Kanin Dan Ta'addan da Ya Addabi Jama'a
- Kasa da mako daya bayan kisan Halilu Sabubu, rundunar yan sanda ta yi nasarar hallaka wani dan bindiga
- Jami'an tsaron sun yi nasarar hallaka Dan Kundu wanda kani ne ga dan ta'adda, Usman Modi Modi
- An yi nasarar hallaka Dan Kundu ne a wani arangama da jam'an tsaron yayin da suke shirin kai hari a yankin Kurfi
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.
Jihar Katsina - Rundunar yan sanda ta sake hallaka wani rikakken dan ta'adda a jihar Katsina, Dan Kundu.
Rahotanni sun tabbatar da cewa Dan Kundu kani ne ga kasurgumin dan bindiga, Usman Modi Modi.
Asali: Twitter
Katsina: Yan sanda sun hallaka dan bindiga
Zagazola Makama ya tabbatar da haka a shafinsa na X a yau Asabar 21 ga watan Satumbar 2024.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
An tabbatar da cewa Dan Kundu ya yi suna wurin addabar yankin karamar hukumar Safana a dajin Tsatskiya.
An yi nasarar hallaka Dan Kundu ne yayin arangama da jami'an yan sanda da kuma taimakon yan banga.
Kisan Dan Kundu ya faru ne a daren ranar Alhamis 19 ga watan Satumbar 2024 a kokarin kai hari a yankin Kurfi.
Jami'an tsaron sun yi nasarar dakile harin da suka yi niyyar kawowa da yaransa inda aka hallaka da dama.
Yadda aka hallaka Halilu Sabubu a Zamfara
Wannan na zuwa ne bayan kisan rikakken dan ta'adda, Haliliu Sabubu a ranar Juma'a 13 ga watan Satumbar 2024.
Kisan Sabubu ya yi wa yan Najeriya da dama dadi duba da yadda dan ta'addan ya addabi al'umma musamman a yankin Arewa maso Yamma.
"Bello Turji ya tsorata" - Sheikh Asada
Kun ji cewa Sheikh Murtala Bello Asada ya sake kalubalantar Bello Turji a wani bidiyo inda ya tabbatar da zargin ana daukar nauyin ta'addanci.
Malamin ya ce Turji a faifan bidiyo, ya tabbatar da hannun karamin Ministan tsaro, Bello Matawalle wajen harkar ta'addanci.
Wannan na zuwa ne kwanaki kadan bayan kisan rikakken dan ta'adda, Halilu Sabubu a Zamfara a ranar Juma'a 13 ga watan Satumbar 2024.
Asali: Legit.ng
