Fitaccen Mawaki Musulmi Ya Zabgawa Malamin Addini Mari a Bidiyo, Ya Fadi Dalili

• Mawakin Najeriya, Habeeb Olalomi Badmus ya mari wani Fasto da ke wa'azi kusa da shagonsa na siyar da kayan shaye-shaye
• Mawakin da ake kira Portable ya gargadi Faston da ya bar kusa da shagonsa inda ya ke zargin yana damun abokan huldarsa
• An yada faifan bidiyon a kafofin sadarwa inda mutane da dama suka goyi bayansa yayin da wasu ke cewa abin da ya yi ya kauce hanya

Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.

Jihar Lagos - Fitaccen mawaki a Najeriya, Habeeb Olalomi Badmus ya mari wani Fasto saboda wa'azi a wurin kasuwancinsa.

Mawakin da aka fi sani da Portable ya mari Faston ne kan zargin zai kora masa abokan hulda a shagonsa na shaye-shaye.

Kara karanta wannan

Yan bindiga sun sace Bello Yabo? Shehi ya yi maganar 'garkuwa' da shi da 'kamen' DSS

Yadda mawaki ya mari Fasto saboda wa'azi

An yada bidiyon ne a shafin Instagram wanda ya dauki hankulan mutane da dama da suka tofa albarkacin bakinsu.

An gano Portable na umartan Faston ya bar kusa da shagonsa saboda yana addabar abokan huldarsa a wurin.

Daga bisani mawakin ya tunkari Faston tare da cewa yana damunsa inda ya zabga masa mari.

Portable ya fadawa Faston cewa ya yi addu'a a gida kafin ya fito domin haka babu wanda zai koya masa addu'a.

"Ka zo harkar kasuwanci ne ko ka kawo kudi?, kai mahaukaci ne? ka zo nan kana ta ihu a kai na."

"Kafin na bar gida, na yi addu'a, ku fada masa ya yi gaba, kudi ne muke tsammani a nan."

- Portable

Mawaki ya caccaki masu zanga-zanga a Najeriya

Kara karanta wannan

Shugaban majalisa ya koka da sace mutane a asibitin Kaduna, ya fadi abin da ake bukata

Kun ji cewa Mawaki Habeeb Okikiola ya dira kan masu zanga-zanga inda ya ce talauci da rashin aiki ne yake yaudarar matasan da ke son fita.

Mawakin da aka fi sani da Portable ya ce a baya ya fita zanga-zanga amma lokacin ba shi da ko kwabo amma yanzu ya tsira daga talauci.

Portable yayi wannan martani ne yayin da matasa a Najeriya suka shirya fita zanga-zanga a ranar 1 ga watan Agustan 2024 a kasar.

Muhammad Malumfashi, babban edita a sashen Hausa na Legit ya duba labarin.

Asali: Legit.ng