Sojoji Sun Ragargaji ’Yan Ta’adda a Jihohi, Sun Kwato Makamai da Dama
- Rundunar sojin Najeriya ta yi nasarar fatattakar yan ta'adda da dama a jihohi daban-daban a faɗin Najeriya
- Cikin sanarwar da rundunar ta fitar ta nuna ta kai farmaki kan yan ta'addan ne a jihohin Oyo, Katsina da Anambara
- Har ila yau, rundunar sojin ta bayyana irin makaman da ta kwato wajen yan ta'addar bayan fafatawar da suka yi
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Editan Legit Hausa Ibrahim Yusuf yana da gogewar aikin jarida da rubuce-rubucen adabi sama da shekaru hudu, kuma kwararre ne a kawo rahotannin kasuwanci, siyasa da lamuran yau da kullum.
Rundunar sojin Najeriya ta fafata da ƴan ta'adda a jihohi daban-daban a Arewa da Kudancin Najeriya.
A yayin fafatawar, rundunar sojin ta samu nasarar hallaka miyagu, fatattakar wasu tare da kwato makamai da dama a wajensu.
Asali: Getty Images
Rundunar sojin ta yi kira ga al'umma kan su cigaba da ba ta hadin kai wajen yaki da miyagu kamar yadda ta wallafa a Facebook.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Anambara: Sojoji sun kama yan ta'adda
Sojojin Najeriya sun kama yan ta'adda dauke da makamai a karamar hukumar Orumba a jihar Anambara.
Bincike ya nuna cewa daya daga cikin yan ta'addar, Ifeanyi Godwin na cikin wadanda ake nema ruwa a jallo tun shekarar 2023.
Oyo: Sojoji sun dira kan yan ta'adda
Sojojin Najeriya sun kai farmaki maboyar madugun masu garkuwa da mutane, Bello Chikidawoje a yankin Ibadan.
Jami'an soji sun samu nasarar kwato bindigogi kirar AK47 guda biyu da tarin harsashi da kuma wasu makamai da ya ɓoye a kejin dabbobi.
Katsina: Sojoji sun fatattaki yan ta'adda
Sojojin Najeriya sun yi diran miƙiya kan yan ta'adda a yankin Batsari inda suka gudu suka bar bindiga kirar AK47 guda daya.
Haka zalika a karamar hukumar Kankara sojojin sun yi nasarar dakile harin yan ta'adda inda suka kashe dan ta'adda daya da kwato bindiga kirar AK47.
Sojoji sun kashe 'yan ta'adda a Kaduna
A wani rahoton, kun ji cewa dakarun sojojin Najeriya sun samu nasarar rage mugun iri bayan sun yiwa ƴan ta'adda da ke kan hanayar kai hari kwanton ɓauna a jihar Kaduna.
Sojojin sun yi nasarar hallaka ƴan ta'adda mutum biyu yayin da suka yi musayar wuta a ƙaramar hukumar Kagarko ta jihar.
Asali: Legit.ng
