Ana Bikin Sallah, ’Yan Bindiga Sun Tafka Kazamar Ta’asa a Sokoto, Sun Sheke Mutum 10
- Wasu tsagerun ‘yan bindiga sun kai hari wani kauye a jihar Sokoto, inda suka kashe kuma suka sace mutane da dama da sanyin safiyar Lahadi
- Maharan sun farmaki kauyen Dudun Doki a karamar hukumar Gwadabawa ta jihar, suka kashe mutane sama da goma, kamar yadda aka ruwaito
- Legit.ng ta ruwaito cewa, har yanzu rundunar ‘yan sandan jihar Sokoto ba ta fitar da wata sanarwa kan wannan lamarin ba
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Salisu Ibrahim ne babban editan sashen Hausa na Legit. Kwararren marubucin fasaha, harkar kudi da al'amuran yau da kullum ne, yana da gogewar aikin jarida da rubuce-rubucen adabi sama da shekaru takwas
Jihar Sokoto - Rahotannin da ke fitowa na cewa da safiyar Lahadi, 16 ga Yuni, wasu 'yan bindiga sun kai hari wani kauye a jihar Sokoto.
An rahoto cewa, tsagerun sun kashe mutane da yawa kuma sun sace wasu a lokacin wannan harin.
Asali: Original
Mutane 10 sun mutu, da dama sun bata a jihar Sokoto
An samu labarin cewa maharam sun farmaki kauyen Dudun Doki a karamar hukumar Gwadabawa ta jihar Sakkwato, inda suka kashe mutane fiye da goma kuma suka sace mutane da yawa a wajen karfe 1.30 na dare, rahoton Vanguard.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Wannan harin ya zo ne a daidai lokacin da Musulmai a fadin kasar nan ke shirin gudanar da bikin babbar Sallah, wato Eid Al-Adha, a yau, Lahadi, 16 ga Yuni.
'Yan sanda basu ce komai ba
Ranar Arfa, wanda ke gabatar da bikin sallah, ta kasance ranar Asabar, 15 ga Yuni.
Ya zuwa lokacin hada wannan rahoton, har yanzu ba a samu wata sanarwa daga rundunar 'yan sandan jihar game da harin ba.
Jihar Sokoto na daga cikin jihohin Arewacin Najeriya da ke yawan fuskantar hare-hare daga tsagerun ‘yan bindiga masu sata da kasha jama’a.
Kara karanta wannan
Hajji 2024: Hukumomin Saudiyya sun kwamushe mutum 18 bisa karya dokar aikin Hajji
An kashe 'yan sa-kai a Sokoto
A wani labarin, 'yan bindiga sun hallaka akalla jami’an 'yan sa-kai na CJTF guda tara a wani mummunan hari a jihar Sokoto.
'Yan bindiga sun hallaka 'yan sa-kan ne a wani harin kwanton bauna da suka kai musu wanda ya kuma yi sanadiyyar raunata jami'an da ba a tantance adadinsu ba.
Jaridar Daily Trust ta kawo rahoto cewa 'yan bindigan sun kuma yi awon gaba da wasu jami’an 'yan sa-kan na CJTF guda uku.
Asali: Legit.ng
