Jami'a Ta Yi Karin Haske Bayan Samun Satifiket Na Digiri a Wurin Mai Tsire

• Hukumar jami'ar jihar Lagos ta yi martani kan samun wani satifiket na digiri a hannun masu siyar da nama a jihar
• Hukumar makarantar ta ce lamarin tsohon labari ne wanda ya faru tun a shekarar 2018 kuma ta riga ta dauki mataki a kai
• Jami'ar ta tabbatar da haka ne a jiya Litinin 3 ga watan Yuni a shafinta na X inda ta shawarci mutane su yi watsi da labarin

Abdullahi Abubakar, Editan Legit Hausa ne a bangaren siyasa, kasuwanci da al'amuran yau da kullum ne, ya na da gogewar aikin jarida sama da shekaru uku.

Jihar Lagas - Hukumomi a Jami'ar Lagos sun yi martani kan samun satifiket na digiri a wurin mai siyar da suya.

Jami'ar Legas ta ce abin da ya faru ya dade, ba na yanzu ba ne bayan ganin ana zuba suya a cikin takardar satifiket din.

Kara karanta wannan

Harin masallacin Kano: Za a fara shari’ar matashin da ya kona mutane da asuba

Martanin Jami'ar Lagos kan takardar digiri

Makarantar ta tabbatar da cewa jabun satifiket ne saboda an yi kuskure wurin rubuta sunan mai shi a jiki.

Har ila yau, hukumar makarantar ta ce lamarin ya faru ne tun a ranar Laraba 21 ga watan Nuwambar 2018.

Wannan na kunshe ne a cikin wata sanarwa da hukumar makarantar ta fitar a jiya Litinin 3 ga watan Yuni a shafinta na X.

Jami'ar Lagos ta ce tsohon lamari ne

"Wannan tsohon labari ne, ku yi watsi da shi, lamarin ya faru ne tun a shekarar 2018 kuma Jami'ar ta dauki mataki kan lamarin."

"An lalata satifiket din saboda an yi kuskure wurin rubuta suna a jiki wanda tuni aka gabatar da wani satifiket ga matashin mai suna Abioye."

- LASU

Hukumar makarantar har ila yau, ta ce ya kamata bayan sauya sunan a lalata satifiket din amma an yi kuskure ya fita waje.

Kara karanta wannan

"Karancin kudi": Kungiyar ASUU ta tsunduma yajin aiki a jami'ar Kano, ta bayyana dalili

An ceto daliban Jami'a 8 a Kogi

A wani labarin, kun ji cewa gwamnatin jihar Kogi ya sanar da ceto sauran daliban Jami'ar CUSTECH takwas da aka sace.

Ceto daliban ya tabbatar da kubutar da guda 30 kenan a hannun ƴan bindiga bayan maharan sun hallaka biyu daga ciki.

Wannan na zuwa ne bayan miyagu sun farmaki Jami'ar tare da sace daliban a farkon watan Mayu da ta gabata a jihar Kogi.

Muhammad Malumfashi, babban edita a sashen Hausa na Legit ya duba labarin.

Asali: Legit.ng